Almaty oblysynda karantin rejimı saqtalady, karantindık şaralardy bırte-bırte bosaŋsytu jalǧasady. Oblystyŋ bas memlekettık sanitariialyq därıgerınıŋ jaŋa qaulysyna säikes koronavirus infeksiiasynyŋ taraluy toqtalmaǧan aimaqtardy qospaǧanda, audandar men qalalar arasyndaǧy blokposttar alyna bastaidy.
Oblystyŋ bas memlekettık sanitariialyq därıgerı Qairat Baimūhambetovtıŋ aituynşa, qoǧamdyq monşadan basqa monşalar, saunalar, SPA, massaj ortalyqtary jäne t.b. qyzmet körsetu nysandary jūmystaryn bastaidy.
Mektepke deiıngı ūiymdardyŋ kezekşı toptary (jasy boiynşa) aşylady, şaǧyn komplektılı bılım ortalyqtary, üiırmeler (jazylu boiynşa) qyzmetkerlerı men balalardyŋ densaulyq jaǧdaiyna baqylau jasai otyryp (termometriia) jäne JRVİ belgılerı bar qyzmetkerler men balalardy şettete otyryp öz jūmystaryn kırısedı. Qūtqaruşylardy, tehnikalyq qauıpsızdıkke jauaptylardy daiyndaityn jäne qaita daiarlaityn mamandandyrylǧan oqytu ortalyqtary, sol siiaqty küzet jäne basqa da arnaiy ūiymdar jūmystaryn qaita jalǧastyrady.
50 orynǧa deiıngı stadiondar aşylady. Qapşaǧai qalasyndaǧy «Baldäuren» respublikalyq oqu-sauyqtyru ortalyǧy» RMKK jūmysyn bastaidy.
Būl rette qoǧamdyq oryndardy, önerkäsıptık aumaqtardy, äuejailardy, aulalardaǧy balalar alaŋdaryn jäne basqa da nysandardy sanitarlyq jäne dezinfeksiialyq öŋdeu jūmystaryn jürgızu jalǧasady, barlyq nysandarda küşeitılgen sanitarlyq-dezinfeksiialyq şaralar küşeitılıp, maska kiiu rejimı jappai saqtaluy tiıs.
Atalǧan qauly 2020 jylǧy 18 mamyr küngı saǧat 08.00-de küşıne enedı. Degenmen koronavirus infeksiiasynyŋ jūqtyrudyŋ jaŋa derekterınıŋ tırkeluıne bailanysty epidemiologiialyq ahualdyŋ kürdelı jaǧdaiy saqtalyp otyrǧan Talǧar, Kegen audandary men Taldyqorǧan qalasyna būl qaulynyŋ qatysy joq.
Almaty oblysy
