Elimizdiń toǵyz aımaǵynda dabyldy eskertý jarııalandy

3016
Adyrna.kz Telegram

Aldaǵy táýlikte respýblıkanyń basym bóliginde jańbyr jaýyp, naızaǵaı oınaıdy, burshaq pen daýyl bolýy yqtımal

 Tótenshe jaǵdaılar komıtetiniń qyzmetkerleri qazaqstandyqtardy aldaǵy eki táýlikte respýblıkanyń birneshe óńirinde jarııalanǵan dabyldy eskertýlerge barynsha mán berýge shaqyrady.

Sınoptıkterdiń eskertýine sáıkes, jaýyn-shashynnyń bolýyna jáne keı jerde jańbyrdyń qatty jaýýyna baılanysty, 18-19 mamyr kúni Almaty, Túrkistan oblystarynyń taýly aýdandarynda jáne Almaty qalasyna irgeles aımaqtarda ózenderde sý deńgeıi kóteriledi jáne sý tasqyny bolady.

18 mamyrda Aqmola oblysynyń keı jerlerinde naızaǵaı oınap, daýyl bolyp, burshaq jaýyp, sekýndyna 15-20 metr jel soǵady.

Shymkentte jańbyr qatty jaýyp, kún kúrkirep, burshaq jaýýy yqtımal, jeldiń jyldamdyǵy – 15-20 m/c.

Qostanaı oblysynyń keı jerinde jańbyr jaýyp, kún kúrkireıdi, tuman túsedi, burshaq jaýady, sekýndyna 15-20 metr jel soǵady.

Qyzylorda oblysynyń kóp bóliginde jańbyr jaýyp, keı jerlerde kún kúrkireıdi, jel ekpini 15-20, keı jerlerde sekýndyna 23-28 metrge deıin jetedi.

Mańǵystaý oblysynyń keı jerinde tuman túsip, naızaǵaı oınaıdy, jeldiń jyldamdyǵy – sekýndyna 15-20 metr.

Soltústik Qazaqstan oblysynyń keı jerinde naızaǵaı oınap, daýyl bolady, burshaq jaýyp, tuman túsedi, jyldamdyǵy sekýndyna 15-20 metr jel soǵady.

Túrkistan oblysynyń taýly aımaqtarynda keı jerde jańbyr qatty jaýyp, naızaǵaı oınaıdy, burshaq jaýady, jel ekpini – 23 m/s.

Qolaısyz aýa raıynan qalaı qorǵaný kerek?

Tótenshe jaǵdaılar komıteti azamattardy aýa raıynyń ózgerisin baqylap otyrýǵa jáne dabyldy eskertý týraly habarlamalardy eskerýge, barlyq saqtyq sharasyn saqtaýǵa shaqyrady.

Daýyl kezinde, jeldiń ekpini sekýndyna 15-30 metrge jetken kezde úı men páterdegi esik-terezelerdi jabý usynyldy. Áınektelmegen balkondar men lodjııalardan qatty jel kezinde túsip ketýi múmkin barlyq zatty (qumyra, banka, jáshik, bótelke jáne t.b.) alyp tastaý kerek.

Kóshede júrgen kezde daýyl bastalsa, jarnamalyq qalqandar men basqa da ilýli turǵan zattardan, avtobýs aıaldamalarynan, elektr jelilerinen, sondaı-aq aǵashtardan múmkindiginshe alys turý kerek. Qatty jel bastalsa, jaqyn mańdaǵy ǵımaratqa nemese kez kelgen jabyq jerde jeldiń basylýyn kútý qajet.

Ásirese, úlken aǵashtardyń astynda qalmaýdy jáne olardyń astynda avtokólik turmaǵanyn muqııat qadaǵalaý kerek, óıtkeni aǵash qulap ketýi múmkin. Shirigen jáne eski, sondaı-aq, jalǵyz turǵan aǵashtar erekshe qaýip tóndiredi.

Sputnik

Pikirler