Qazaqstanda koronavırýstyń taralý qaýpi saqtalyp otyr. Bul týraly prezıdent Qasym-Jomart Toqaev aıtty, - dep habarlaıdy "Adyrna" Tengrinews.kz ke silteme jasap.
« Koronavırýs indetine qarsy kúrestegi oń nátıjege qaramastan, onyń taralý qaýpi seıilgen joq. Azamattardy densaýlyqtaryna zııan keltirmeý úshin, ásirese, kópshilik jınalatyn jerlerde qaýipsizdik sharalaryn saqtaýǵa shaqyramyn. Karantın rejımi jeńildetilgenimen, áli de saqtalýda.», - dep jazdy Toqaev óziniń Twitter-inde.
Buǵan deıin Almaty, Nur-Sultan jáne birqatar qalalarda karantınniń jeńildegeni habarlanǵan bolatyn
25 mamyrda Almatyda saýda ortalyqtary men jazǵy kafeler jartylaı jumys isteıdi. Atap aıtqanda, azyq-túlik satpaıtyn býtıkter, sulýlyq salony, hımııalyq tazalaý jáne PD aýmaǵynda ornalasqan saýda ortalyqtary óz qyzmetin qaıta jandandyrady. Keıbir qonaqúıler de jumys isteıdi. Bul jataqhanalarǵa qatysty emes.
«2020 jyldyń 20 mamyrynan bastap, Nur-Sultan jáne Petropavlovsk qalalarynda saýda-oıyn-saýyq ortalyqtarynyń (oıyn-saýyq ortalyqtary, tamaqtaný oryndary, kınoteatrlar) jáne qoǵamdyq monshalardyń jumysyn qaıta bastaımyz», - delingen memlekettik komıssııanyń habarlamasynda.
