Toqaev: Karantin rejimı saqtalady

Qazaqstanda koronavirustyŋ taralu qaupı saqtalyp otyr. Būl turaly prezident Qasym-Jomart Toqaev aitty, - dep habarlaidy "Adyrna" Tengrinews.kz ke sılteme jasap. « Koronavirus ındetıne qarsy kürestegı oŋ nätijege qaramastan, onyŋ taralu qaupı seiılgen joq. Azamattardy densaulyqtaryna ziian keltırmeu üşın, äsırese, köpşılık jinalatyn jerlerde qauıpsızdık şaralaryn saqtauǧa şaqyramyn. Karantin rejimı jeŋıldetılgenımen, älı de saqtaluda.», - dep jazdy Toqaev özınıŋ Twitter-ınde. Būǧan deiın Almaty, Nūr-Sūltan jäne bırqatar qalalarda karantinnıŋ jeŋıldegenı habarlanǧan bolatyn 25 mamyrda Almatyda sauda ortalyqtary men jazǧy kafeler jartylai jūmys ısteidı. Atap aitqanda, azyq-tülık satpaityn butikter, sūlulyq salony, himiialyq tazalau jäne PD aumaǧynda ornalasqan sauda ortalyqtary öz qyzmetın qaita jandandyrady. Keibır qonaqüiler de jūmys ısteidı. Būl jataqhanalarǧa qatysty emes. «2020 jyldyŋ 20 mamyrynan bastap, Nūr-Sūltan jäne Petropavlovsk qalalarynda sauda-oiyn-sauyq ortalyqtarynyŋ (oiyn-sauyq ortalyqtary, tamaqtanu oryndary, kinoteatrlar) jäne qoǧamdyq monşalardyŋ jūmysyn qaita bastaimyz», - delıngen memlekettık komissiianyŋ habarlamasynda.