„Arabtyŋ şeihyna küieuge şyǧyp, ülde men büldege oranǧan hanşaiymǧa ainalamyn„ dep armandaityn qyzdar aramyzda älı köp. „Myŋ bır tün„ ertegısınıŋ ǧajaiyp keiıpkerıne ainalǧysy kelgen jüzdegen qyzdar jyl saiyn Qazaqstannan Arab elıne saiahattap ketıp jatady. Alaida būl bos qiial eken.
Bügınderı sol elge baryp, öz qiialdaryna arbalyp, aldanyp qalǧandaryn aitqan qazaqstandyq kelınşekter basynan ötken oqiǧalaryn özgelerge sabaq bolsyn dep, bölısıptı. Būl turaly maqala NewTimes.kz saitynda jariialandy.
Bai-manaptar bas sūǧatyn dükenge daiaşy bop ornalasqan taldyqorǧandyq Darina sūlu ärı jas bolatyn. Tabatyn tabysy da jaman emes: 400 myŋ teŋge. Bır künı oǧan orta jastaǧy arabtyŋ közı tüsıp, söz tastaidy. Az uaqytta „mendık bol„ dep qolqa salady. „Jūmys ıstemeisıŋ, özıŋnıŋ kütuşıŋ bolady, baǧaly syilyqtarmen üiıp-tögemın, odan artyq ne kerek. Maǧan ekınşı äiel bolasaŋ, ūl tuyp berseŋ bolǧany„ dep qolqa salady ol.
Qyzdaryn bala dep sanamaidy
Alaida bala tua salysymen Darinanyŋ sän-saltanatty ömırı kürt özgerıp qoia bergen. – Menıŋ küieuım öte bai-quatty adam. Ol jūmysynyŋ ärbır saǧatyna jalaqy alady. Tıptı, üşınşı äiel alamyn dese de oǧan salmaq emes.Bıraq qazır ol maǧan, tıptı, balalaryna da kömektespeidı. İnternettıŋ de aqysyn tölemeidı. Üş balamyz bar. Balalarym mektepke de barmaidy. Öitkenı, ol oqu aqysyn tölegısı kelmeidı. Al qyzdaryn bala dep, moiyndamaidy.Balalarymnyŋ barlyǧy maǧan tartqan, aqqūba. Sodan keiın de ol balalaryn jaqsy körmeitın sekıldı, – deidı Darina.
Dubaidaǧy ömırdı men būlai elestetken joqpyn. Mūnda üi january sekıldısıŋ
Şymkenttık Marjan esımdı kelınşek te jaqsy ömırdı aŋsap, Arab elıne baryp, tūtylyp qalǧanyn aitady. – Şeteldık qyzdar arabtardyŋ tek ekınşı äielı bola alady. Şariǧat boiynşa mūnda bırınşı äiel arab bolǧany dūrys. Menıŋ küieuım öte bai, onyŋ menen bölek bırınşı äielı bar. Ärine, Dubaidaǧy ömırdı men būlai elestetken joqpyn. Basynda bärı jaqsy boldy. Bır adamdy qūlai süiıp, küieuge şyǧasyŋ, bala tuasyŋ, sodan keiın bärı bıttı dei berıŋız.Al mūnda küieuıŋnıŋ rūqsatynsyz eşqaida şyǧa almaisyz. Bır sözben aitqanda, öz-özıŋe tiesılı emessıŋ. Üi january sekıldısıŋ. Arab äielderınıŋ eşteŋege qūqyǧy joq.Jūmys ısteuge maǧan tyiym salynǧan. Menıŋ bar bıtırerım: üide otyru, jūmystan keletın küieuımdı qarsy alu. Al qandai da bır mäsele tua qalsa, menı kınälı etedı. Tıptı, jūmystaǧy mäselesıne de men kınälımın. Keiıngı kezde ol qol köteretındı şyǧardy. Basynda ündemedım, artynan onyŋ barlyǧyn beinetaspaǧa tüsıretın boldym. Polisiia şaqyrǧan soŋ, küieuım sabyrǧa keledı, basylady.
Balalarymdy ol qatty jaqsy köredı. Osy ǧana maǧan demeu, balalarym üşın ömır süremın!– deidı Marjan.
Bıraz bolmaǧanda, qyzymyz ekeumız jer basyp jürmes te edık
Onyŋ sözıne qaraǧanda, Arab ämırlıgınde jürgen qazaqstandyq qyzdar köp. Äielder bır-bırımen bailanys ūstap, özara tıldesıp tūrǧandy jön köredı eken. Täjıribelerımen bölısedı, keŋesterımen almasady. 31-jastaǧy qostanailyq kelınşek bügınderı arab küieuımen ajyrasyp ketıptı, bıraq ol älı Dubaida tūryp jatyr. „Ol ölımşı etıp menı sabap tastaityn, tıptı, „öltıremın„ dep qoqan-loqy körsetetın. Sodan keiın men odan ajyrasyp kettım. Şyny kerek, endı bıraz bolmaǧanda, qyzymyz ekeumız jer basyp jürmes te edık. Baqytymyzǧa orai, men özıme körsetılgen qorlyq-zombylyqty däleldei aldym, söitıp bızdı ajyratty.Ūlyma oŋaiyraq. Öitkenı ol ūl bala ǧoi. Al Arab ämırlıgınde ūl balaǧa barlyǧy tölenedı: baspanamen qamtamasyz etedı, oqu aqysyn töleidı, därıgerge tegın qaralady. Al maǧan Qazaqstan azamaty retınde barlyǧy aqyly.Mysaly, därıgerdıŋ kömegı kerek bolsa, aqysyn tölep qana qarala alamyn. Men ai saiyn järdemaqy alamyn, öitkenı, arab balalaryn tärbielep otyrmyn ǧoi„, – deidı ol. Būl aitylǧan oqiǧalar bergı jaǧy ǧana körınedı. Öitkenı, arab elderınde er adamnyŋ qūqyǧy joǧary, sondyqtan olar oiyna kelgenın ıstei alatyn körınedı. Sondyqtan mūnda qorlyqqa şydamai, öz ömırımen qoş aitysatyn näzık jandylar köp körınedı.
Ūqsas jaŋalyqtar
