Pavlodarda maldar mitingıge şyqty (video)

Pavlodar oblysynda Aqsu qalasyna qarasty Qalqaman kentınıŋ tūrǧyndary maldy taŋǧy örıske emes, tura äkım keŋsesınıŋ aldyna aidap apardy. Jaiylymnan jūtaǧan jūrttyŋ basqa amaly joq ekenın aitady tūrǧyndar. Söitse, auyl äkımı talai jyldan bergı jaiylym jerdı jeke menşıkke jalǧa berıp jıbergen. Qalqaman kentı tūrǧyndary bügın qotandaǧy maldy örıske emes, äkım keŋsesıne aidap keldı. Kök şyqqaly bır aidan assa da, köterılmegen zeŋgı baba tūqymy osy maŋdaǧy köktı bırden japyryp jıberdı. Maldyŋ jelını tartylyp qalǧany jaiylymnyŋ joqtyǧynan ǧana emes. Auyldan qol sozym jerge kökönıs salyp tastaǧan fermer alqaptardy suaru üşın şaǧyn toǧandy da menşıgıne qaratyp alǧan. Būl jerde jer asty suynyŋ közı bar. Amaly tausylǧan tūrǧyndar temır jol men tas joldyŋ ortasyndaǧy alaqandai aumaqqa mal jaiuǧa mäjbür. Būǧan jetu üşın de bırneşe şaqyrym jol jürk kerek. Sonyŋ özınde būl aumaq malǧa da, janǧa da qauıptı bolyp tūr.