Būl turaly ŪKP Töralqa Töraǧasy biznes ökılderımen onlain kezdesu barysynda aitty dep habarlaidy "Adyrna" "Atameken" ŪKP baspasöz qyzmetıne sılteme jasap.
Is-şara biznestıŋ aǧymdaǧy mäselelerın talqylau, sondai-aq karantinnen keiıngı kezeŋde oryn alatyn auyrtpalyq deŋgeiın anyqtau maqsatynda ūiymdastyrylǧan.
Kün tärtıbınıde köterılgen mäselelerdıŋ bırı – käsıporyndarda jūmyspen qamtu mäselesı boldy. Tötenşe jaǧdai kezeŋınde jūmys beruşıler jūmyskerlerdı eŋbekaqysyz demalysqa jıbergenı mälım. Demek, karantinnen keiıngı kezeŋde el auqymynda jūmyssyzdyq paiyzynyŋ artu yqtimaldyǧy joǧary. Mūndai jaǧdai bükıl älemde oryn alǧan.
Pandemiia saldarynan elımızde turizm, qonaqüi biznesı, qoǧamdyq tamaqtanu, öŋdeu önerkäsıbı, bölşek sauda, kommersiialyq jäne äkımşılık qyzmet qiyn kezeŋdı ötkerude.
Timur Qūlybaev osy mäselede Ūlttyq palatanyŋ pozisiiasy – jūmys beruşıler jūmys oryndaryn saqtap qaluy üşın karantinge deiın jūmys ıstegen käsıporyndardy saqtau jäne qoldau ekenın atap öttı.
«Şaǧyn jäne mikro käsıporyndardy qoldaudyŋ qūraly – qarajat ainalamyn tolyqtyruǧa, bırınşı kezekte eŋbekaqyny töleuge berıletın nesieler. Būl jeŋıldıkpen berıletın nesieler bolady, bız bırınşı kezekte karantinge deiıngı jūmys oryndar sanyn saqtauǧa daiyn käsıporyndarǧa qoldau körsetu boiynşa ūsynystar engızemız», – dedı Timur Qūlybaev.
Qoldaudyŋ mūndai türın bırqatar memleket tiımdı paidalanuda. Resmi derekterge süiensek, Reseide jūmys oryndaryn barynşa saqtap qalǧan käsıporyndarǧa memlekettık nesieler bölıne bastaǧan. Jūmyspen qamtudy qoldau arqyly 7 mln adamǧa kömektesu közdelgen. TASS aqparat közınıŋ habarlauynşa, AQŞ äkımşılıgı qyzmetkerlerın qysqartpai, jūmys ısteuge daiyn şaǧyn käsıporyndarǧa jeŋıldıkpen nesie bölude. Al Ukraina memleketı 5-7-9%-ben jūmys oryndaryn saqtap qalǧan käsıporyndarǧa nesie berıp jatyr.
Bizneske qoldau körsetude «Atameken» ŪKP bırqatar şaralardy qolǧa aldy. Pandemiia saldarynan bizneske tüsken auyrtpalyqty anyqau maqsatynda ŪKP käsıpkerler arasynda saualnamalar jürgızdı, Palataǧa kelıp tüsken ötınımder saralandy.
Tötenşe jaǧdai kezeŋınde barlyq közder (äleumettık jelıler, koll-ortalyq, jazbaşa ötınımder) boiynşa 44 586 ötınım kelıp tüstı. Karantin kezeŋınde ŪKP koll-ortalyǧyna (112 nauryzdan 6 säuırge deiın) 10 577 ötınım tüstı. Sonyŋ ışınde 43%-y karantin uaqytynda jürıp-tūrudy şekteuge qatysty boldy. Bizneske jürgızılgen saualnamaǧa qatysqan käsıpkerlerdıŋ 60%-y kelısımşarttyq mındettemelerın būzuǧa mäjbür bolǧan. 54%-y jūmyskerlerdı merzımsız demalysqa jıbergen. 20%-y qyzmetkerlerdı qysqartuǧa mäjbür bolǧan.
Osyndai situasiiada biznestıŋ qarjylyq jaǧdaiyna kerı äser etken jaittar bar, saualnamaǧa qatysqandardyŋ 60%-y jalǧa alu qūnyn töleude qiyndyq körgen, 22%-y – eŋbekaqy töleu, 5%-y – kommunaldyq qyzmetterdı töleude qiyndyqqa tap bolǧan.
Tötenşe jaǧdai jariialanǧannan berı Ūlttyq palata jürgızgen jedel saualnamalar men saraptamalar arqyly biznestıŋ aǧymdaǧy ahualyna uaqtyly taldau jürgızıldı, säikesınşe Ükımet deŋgeiınde ūsynystar aitylyp, tiıstı şaralar qolǧa alyndy. Käsıpkerlerdıŋ kelısımşarttyq mındettemelerın oryndai almauy sebeptı ŪKP enşıles ūiymy – Qazaqstannyŋ Syrtqy sauda palatasy fors-majordy tanu jönınde anyq amalardy berdı. Ekınşı deŋgeilı bankter tarapynan nesieler boiynşa 90 künge deiın keiınge şegerım berıldı, aiyppūldar pen ösımaqy alynyp tastaldy. Salyqtar boiynşa jeŋıldıkter jasaldy. Öŋırlık palatalardyŋ mamandary är ötınım boiynşa jalǧa beruşılermen jekelei jūmys ıstep, bırqatar jeŋıldıkterge qol jetkızdı.
Ortalyq apparat deŋgeiınde Palataǧa sūraq qoiyp, jauap tabuǧa bolatyn bölım aşyldy.
«Öŋırlık mäseleler arasynda: salyqtar, nesieler boiynşa tölemderdı keiınge şegeru, qarjylandyru, karantin jaǧdaiyndaǧy sanitarlyq normalar, satyp alular jäne käsıpkerlerdıŋ qūqyqtaryn qorǧau. Karantindık kezeŋ älı ūzaq uaqytqa saqtalatynyna daiyn bolu kerek», – dep atap öttı Timur Qūlybaev.
Kezdesu qorytyndylai kele, ŪKP Töralqa Töraǧasy käsıpkerlermen kerı bailanystyŋ maŋyzdylyǧyna toqtalyp öttı, biznestıŋ ūsynystary men mäselelerı jıtı baqylauda bolatynyn, otandyq biznes qiyn kezeŋde tūrǧanyn aitty. Osy rette «Atameken» aǧymdaǧy situasiiany jıtı qadaǧalap, biznes ūsynystaryn şūǧyl jinaqtap, Ükımetke qoldaudyŋ jaŋa şaralaryn ūsynu üşın osyndai kezdesulerdı tūraqty negızde ötkızetın bolady.
"Adyrna" ūlttyq portaly
