Bul týraly UKP Tóralqa Tóraǵasy bıznes ókilderimen onlaın kezdesý barysynda aıtty dep habarlaıdy "Adyrna" "Atameken" UKP baspasóz qyzmetine silteme jasap.
Is-shara bıznestiń aǵymdaǵy máselelerin talqylaý, sondaı-aq karantınnen keıingi kezeńde oryn alatyn aýyrtpalyq deńgeıin anyqtaý maqsatynda uıymdastyrylǵan.
Kún tártibinide kóterilgen máselelerdiń biri – kásiporyndarda jumyspen qamtý máselesi boldy. Tótenshe jaǵdaı kezeńinde jumys berýshiler jumyskerlerdi eńbekaqysyz demalysqa jibergeni málim. Demek, karantınnen keıingi kezeńde el aýqymynda jumyssyzdyq paıyzynyń artý yqtımaldyǵy joǵary. Mundaı jaǵdaı búkil álemde oryn alǵan.
Pandemııa saldarynan elimizde týrızm, qonaqúı bıznesi, qoǵamdyq tamaqtaný, óńdeý ónerkásibi, bólshek saýda, kommerııalyq jáne ákimshilik qyzmet qıyn kezeńdi ótkerýde.
Tımýr Qulybaev osy máselede Ulttyq palatanyń pozıııasy – jumys berýshiler jumys oryndaryn saqtap qalýy úshin karantınge deıin jumys istegen kásiporyndardy saqtaý jáne qoldaý ekenin atap ótti.
«Shaǵyn jáne mıkro kásiporyndardy qoldaýdyń quraly – qarajat aınalamyn tolyqtyrýǵa, birinshi kezekte eńbekaqyny tóleýge beriletin nesıeler. Bul jeńildikpen beriletin nesıeler bolady, biz birinshi kezekte karantınge deıingi jumys oryndar sanyn saqtaýǵa daıyn kásiporyndarǵa qoldaý kórsetý boıynsha usynystar engizemiz», – dedi Tımýr Qulybaev.
Qoldaýdyń mundaı túrin birqatar memleket tıimdi paıdalanýda. Resmı derekterge súıensek, Reseıde jumys oryndaryn barynsha saqtap qalǵan kásiporyndarǵa memlekettik nesıeler bóline bastaǵan. Jumyspen qamtýdy qoldaý arqyly 7 mln adamǵa kómektesý kózdelgen. TASS aqparat kóziniń habarlaýynsha, AQSh ákimshiligi qyzmetkerlerin qysqartpaı, jumys isteýge daıyn shaǵyn kásiporyndarǵa jeńildikpen nesıe bólýde. Al Ýkraına memleketi 5-7-9%-ben jumys oryndaryn saqtap qalǵan kásiporyndarǵa nesıe berip jatyr.
Bızneske qoldaý kórsetýde «Atameken» UKP birqatar sharalardy qolǵa aldy. Pandemııa saldarynan bızneske túsken aýyrtpalyqty anyqaý maqsatynda UKP kásipkerler arasynda saýalnamalar júrgizdi, Palataǵa kelip túsken ótinimder saralandy.
Tótenshe jaǵdaı kezeńinde barlyq kózder (áleýmettik jeliler, koll-ortalyq, jazbasha ótinimder) boıynsha 44 586 ótinim kelip tústi. Karantın kezeńinde UKP koll-ortalyǵyna (112 naýryzdan 6 sáýirge deıin) 10 577 ótinim tústi. Sonyń ishinde 43%-y karantın ýaqytynda júrip-turýdy shekteýge qatysty boldy. Bızneske júrgizilgen saýalnamaǵa qatysqan kásipkerlerdiń 60%-y kelisimsharttyq mindettemelerin buzýǵa májbúr bolǵan. 54%-y jumyskerlerdi merzimsiz demalysqa jibergen. 20%-y qyzmetkerlerdi qysqartýǵa májbúr bolǵan.
Osyndaı sıtýaııada bıznestiń qarjylyq jaǵdaıyna keri áser etken jaıttar bar, saýalnamaǵa qatysqandardyń 60%-y jalǵa alý qunyn tóleýde qıyndyq kórgen, 22%-y – eńbekaqy tóleý, 5%-y – kommýnaldyq qyzmetterdi tóleýde qıyndyqqa tap bolǵan.
Tótenshe jaǵdaı jarııalanǵannan beri Ulttyq palata júrgizgen jedel saýalnamalar men saraptamalar arqyly bıznestiń aǵymdaǵy ahýalyna ýaqtyly taldaý júrgizildi, sáıkesinshe Úkimet deńgeıinde usynystar aıtylyp, tıisti sharalar qolǵa alyndy. Kásipkerlerdiń kelisimsharttyq mindettemelerin oryndaı almaýy sebepti UKP enshiles uıymy – Qazaqstannyń Syrtqy saýda palatasy fors-majordy taný jóninde anyq amalardy berdi. Ekinshi deńgeıli bankter tarapynan nesıeler boıynsha 90 kúnge deıin keıinge shegerim berildi, aıyppuldar pen ósimaqy alynyp tastaldy. Salyqtar boıynsha jeńildikter jasaldy. Óńirlik palatalardyń mamandary ár ótinim boıynsha jalǵa berýshilermen jekeleı jumys istep, birqatar jeńildikterge qol jetkizdi.
Ortalyq apparat deńgeıinde Palataǵa suraq qoıyp, jaýap tabýǵa bolatyn bólim ashyldy.
«Óńirlik máseleler arasynda: salyqtar, nesıeler boıynsha tólemderdi keıinge shegerý, qarjylandyrý, karantın jaǵdaıyndaǵy sanıtarlyq normalar, satyp alýlar jáne kásipkerlerdiń quqyqtaryn qorǵaý. Karantındik kezeń áli uzaq ýaqytqa saqtalatynyna daıyn bolý kerek», – dep atap ótti Tımýr Qulybaev.
Kezdesý qorytyndylaı kele, UKP Tóralqa Tóraǵasy kásipkerlermen keri baılanystyń mańyzdylyǵyna toqtalyp ótti, bıznestiń usynystary men máseleleri jiti baqylaýda bolatynyn, otandyq bıznes qıyn kezeńde turǵanyn aıtty. Osy rette «Atameken» aǵymdaǵy sıtýaııany jiti qadaǵalap, bıznes usynystaryn shuǵyl jınaqtap, Úkimetke qoldaýdyń jańa sharalaryn usyný úshin osyndaı kezdesýlerdi turaqty negizde ótkizetin bolady.
"Adyrna" ulttyq portaly
