Kaspii teŋızınıŋ qazaqstandyq sektorynda ūstalǧan brakonerlerden bekıre tūqymdas - 3,8 tonna, ūsaq tūqymdy 2,5 tonna balyq, sondai-aq 43 itbalyq tärkılengen. Būl turaly QazAqparat QR Ūlttyq qauıpsızdık komitetı Şekara qyzmetıne sıleme jasap habarlady.
Biylǧy 31 nauryzdan bastap Kaspii teŋızınıŋ qazaqstandyq sektorynda 98 qūqyq būzuşy ūstalǧan. Onyŋ ışınde 14-ı – memlekettık şekara rejimın jäne 71-ı aumaqtyq jäne ışkı su (teŋız) rejimın būzǧandar. «65 jüzu qūraly, 42 qozǧaltqyş, 4 kölık qūraly, brakonerlık aulau aspaptary (236 şaqyrymnan astam au jäne ılmegı bar arqan, 66 tūzaq, 55,1 myŋ ılgek jäne basqalar) tärkılendı.
Brakonerlık zaŋsyz ainalymnan 763 dana (3,8 myŋ kg) bekıre tūqymdas, 4947 dana (2,5 myŋ kg) ūsaq tūqymdy balyq, sondai-aq 43 itbalyq alyndy. Brakonerler keltırgen ziian 85,6mln teŋgege baǧalanyp otyr», - dedı QR Ūlttyq qauıpsızdık komitetı Şekara qyzmetınen.
Brakonerlerden tärkılengen 3824 tırı balyq (onyŋ ışınde 695 bekıre tektes) jäne 43 itbalyq su aidynyna qaita jıberıldı. 1,88 mln teŋgege aiyppūl salyndy. «Jalpy, 1 mlrd. teŋgeden artyq mölşerdegı ekologiialyq zalalǧa jol berılmedı. Is-şaralar jalǧasuda», - dedı vedomstvodan.
Foto: QazAqparat
