Işkı ıster ministrı jariialaǧan «Profilaktika jyly» aiasynda Atyrauda kölık jürgızuşılerınıŋ jauapkerşılıgın arttyru jäne jol qozǧalysyndaǧy mädeniettı nasihattau maqsatynda respublikalyq «Ülgılı jürgızuşı – 2025» aksiiasy öttı.
Is-şara barysynda atyraulyq poliseiler avtokölıkterdı toqtatyp, är jürgızuşınıŋ jürgızuşı kuälıgın alǧan kezden bergı qūqyqbūzuşylyq tarihyn tekserdı. Tärtıptı qataŋ saqtap, bırde-bır jol erejesın būzbaǧan onnan astam qala tūrǧyny Atyrau oblysy polisiia departamentı bastyǧynyŋ orynbasary, polisiia polkovnigı Äbdıǧani Seidualievtıŋ Alǧys hatymen marapattaldy. 
Sondai-aq, Qasym Qaisenov atyndaǧy №33 orta mektebınıŋ «Saqşylar» jas jol inspektorlary «Kölık tızgınınde abai bol!» taqyrybynda salǧan suretterın jürgızuşılerge syiǧa tartyp, arnaiy daiyndalǧan «Ülgılı jürgızuşı» japsyrmalaryn kölıkterıne japsyrdy.
Aksiia soŋynda polisiia qyzmetkerlerı jürgızuşılerdı jolda barynşa mūqiiat boluǧa, belgılengen jyldamdyq rejimın saqtauǧa, qolaisyz aua raiynda asa saq jüruge jäne kışkentai jaiau jürgınşılerdıŋ qauıpsızdıgın esten şyǧarmauǧa şaqyrdy.
