Atyrau oblysynda būrynǧy jūbaiynyŋ tört tuysyn öltırdı dep aiyptalǧan er adamǧa qatysty sot ükımı şyqty, dep habarlaidy "Adyrna" ūlttyq portaly.
Qylmystyq ıster jönındegı mamandandyrylǧan audanaralyq sot ony ömır boiyna bas bostandyǧynan aiyru jazasyna kestı.
Sottyŋ mälımetınşe, aiyptaluşy bırneşe qylmystyq qūqyq būzuşylyq, onyŋ ışınde ekı jäne odan da köp adamdy öltıru, alaiaqtyq, mal ūrlau jäne qūjattardy zaŋsyz iemdenıp, jasyru faktılerı boiynşa kınälı dep tanyldy. Ol jazasyn tötenşe qauıpsızdık mekemesınde öteitın bolady.
Tergeu materialdaryna säikes, qylmys 2025 jyly Atyrau oblysynyŋ Jangeldin auylynda jasalǧan. Aldymen būrynǧy jūbaiynyŋ aǧasy öltırılıp, mäiıtı auladaǧy şūŋqyrǧa jasyrylǧan. Keiın otbasylyq janjal barysynda būrynǧy baldyzy da qaza tapqan. Al bırneşe aidan soŋ aiyptaluşy būrynǧy qaiyn atasy men enesın öltırıp, olardyŋ mäiıtterın qora aumaǧyna kömgen.
Sot barysynda aiyptaluşy äreketın būrynǧy jūbaiynyŋ tuystarymen aradaǧy ūzaqqa sozylǧan janjalmen jäne psihologiialyq qysymmen bailanystyrǧan.
Qylmystan keiın ol būrynǧy jūbaiymen bırge Qazaqstannan ketıp qalǧan. Alaida 2026 jyldyŋ aqpan aiynda ekeuı İndoneziianyŋ Lombok aralynda ūstalyp, Qazaqstanǧa ekstradisiialandy. Tergeu barysynda būrynǧy jūbaiynyŋ qylmysqa qatysy däleldenbegendıkten, oǧan qatysty qylmystyq ıs toqtatylǧan.
2026 jyldyŋ 14 şıldesınde sot aiyptaluşyny barlyq aiyptar boiynşa kınälı dep tanyp, oǧan ömır boiyna bas bostandyǧynan aiyru jazasyn taǧaiyndady.
