Jumadaǵy izgilik

1009

 Muhammed Paıǵambar: "Araılap atqan kúnderdiń eń qaıyrlysy - Juma kúni. Adam ata osy kúni jaratyldy", deıdi. Juma kúniniń qadir -qasıetine toqtalǵan Quran Kárimde " Juma" dep atalatyn arnaıy súre bar. Hadısterde Juma kúni jýynyp , tazaryp, meshitke baryp, ýaǵyz  tyńdap, namaz oqyǵan kisiniń sol kún men ótken juma arasyndaǵy barlyq kúnáláriniń keshiriletini aıtylady.
Juma kúni - kúnderdiń eń abzaly ári musylmandardyń meıramy bolyp eseptelinedi. Sonymen qatar, bul kúni juma namazy oqylady. Eger musylman bul kúndi jáne juma namazdy qadirlep, ádepterin ustansa, Alla onyń saýabyn arttyryp, kúnálaryn keshiredi.

" Jaqsylyqqa jaqsylyq - ár kisiniń isi,
Jamandyqqa jaqsylyq - er kisiniń isi"
demekshi búgingi tańda jaqsylyq jasaýǵa jany qumar adamdardyń sany artyp keledi. Solardyń biri ózimizdiń Aqtóbe oblysyndaǵy Qandyaǵash qalasynyń qarapaıym turǵyny - Temirbek Kusaıynov. Jany taza Temirbek myrza birazdan beri qalalyq qoǵamdyq kólik júrgizýshisi bolyp jumys istep  keledi. Eki  jyldan beri meıirimdi azamat qala turǵyndaryn ár juma saıyn tegin tasyp, halyqtyń ystyq yqylasyna bólenip júr. Sondaı – aq,  ár kún saıyn " Manas" azyq - túlik dúkeni arqyly 11 bólke nandy halyqqa tegin taratýda.
Osyndaı aq,  nıeti aq adal janǵa rıza bolǵan turǵyndar "Jyl adamy " ataǵyn berýge usynys jasady. El tilegi qabyl bolyp basshylar tarapynan eskerilip,  2019 jyldyń 16 jeltoqsany kúni Temirbek Dáýrenbekulyna " Jyl adamy" ataǵy berildi.
Osy ataqty alǵanda qandaı sezimde boldyńyz? - degende " Men ne istesem de Allanyń razylyǵy úshin isteımin. Adamdardyń rıza bolyp, jaýdyrǵan alǵystaryn estigende jubaıym Aıdaı ekeýmiz et júregimiz eljirep, baqytqa bólenemiz. Shynymdy aıtsam, ár jumany asyǵa kútemin. Óıtkeni, alǵys alý - bir ǵanıbet" - dep aǵynan jaryldy. Osyndaı elge shapaǵatyn tıgizer adal da jomart adamdar kóp bolsyn! «Temirbek Dáýrenbekuly, kásibińizden bereket taýyp, Allanyń nazarynda júre berińiz!» deımiz shyn júrekten.

 

 Amanjolova Arýjan,

Aqtóbe oblysy

Qandyaǵash qalasy

11- synyp oqýshysy

Ǵylymı jetekshisi: 

Ábdijádilqyzy Jıdegúl

                                                                                                                                            f.ǵ.k, doent

Pikirler
Redakııa tańdaýy