Keşe «Nur Otan» partiiasy Şymkent qalalyq filialynyŋ töraǧasy, qala äkımı M.Äitenovtıŋ qatysuymen «Nur Otan» partiiasy aktivınıŋ beinekonferensiia mäjılısı öttı. Jiyn barysynda Elbasy N.Nazarbaevtyŋ bastamasymen qūrylǧan «Birgemiz» respublikalyq qoǧamdyq qorymen atqarylyp jatqan jūmystar men QR Prezidentı Q.Toqaevtyŋ tötenşe jaǧdai kezınde halyqty äleumettık qoldau şaralary, partiia Töraǧasynyŋ Bırınşı orynbasary B.Baibektıŋ Şymkentke jasaǧan ıssaparynda jäne QR Premer-ministrı A.Maminnıŋ azamattardy qabyldau kezınde bergen tapsyrmalarynyŋ oryndalu barysy talqylandy.
Mäjılıste söz alǧan Şymkent qalasy äkımınıŋ orynbasary N.Ergeşbek tötenşe jaǧdai kezınde kommunaldyq qyzmetterdı jetkızuşılerdıŋ şyǧyndaryn öteuge 1,5 mlrd. teŋge qarjy qaralǧanyn aitty.
«Tötenşe jaǧdai kezeŋınde kommunaldyq qyzmetter şyǧyndaryn öteu boiynşa bügıngı taŋǧa 17 586 azamattyŋ ötınımı maqūldanyp, mamyr aiyna josparlanǧan 8 333 azamatqa tölengen. Qalǧan ötınımder boiynşa jūmys jürgızılude»,-dedı N.Ergeşbek.
Ükımet basşysy tapsyrmasynyŋ oryndalu barysyn baiandaǧan Äl-Farabi audany äkımı Ǧ.Mäulenqūlov qaladaǧy №195 oram tūrǧyndary jyl soŋyna deiın sapaly auyzsumen qamtylatynyn jetkızdı. Atalǧan oramda elektr jelılerınıŋ qūrylys-montaj jūmystary tolyǧymen aiaqtalǧan. Endıgı kezekte nysandy elektr quatyna qosu jäne abonentteu jūmystary jürgızılude.
Al, örtke oranǧan M.Vodopianova köşesındegı №1a köpqabatty üidıŋ qūrylysy jönınde Abai audanynyŋ äkımı B.Parmanov mälımdedı.
Onyŋ aituynşa, tötenşe jaǧdai kezınde 42 otbasy baspanasyz qalǧan. Müldem baspanasy bolmaǧan 22 otbasy jataqhanamen qamtylyp, qalǧany tuystaryna jaiǧastyrylǧan. Al 25 otbasyǧa 1 mln teŋgedei qarjylai kömek körsetılgen. Qazır 5 qabatty tūrǧyn üidıŋ qūrylysy jürgızılude, qyrküiekte tolyǧymen paidalanuǧa berıledı dedı.
Aktiv otyrysynda Qaratau audanynyŋ äkımı A.Älıqūlov «Tasken», «Azat» şaǧynaudandaryndaǧy injenerlık kommunikasiialyq jüieler qūrylysynyŋ barysyn aityp öttı.
Audan äkımderınıŋ baiandamasyn tyŋdaǧan qala basşysy atqarylyp jatqan jūmystardyŋ öz merzımınde jäne sapaly aiaqtaluyn qataŋ eskerttı.
Būdan bölek, jiynda söz alǧan «Nur Otan» partiiasy Şymkent qalalyq filialy töraǧasynyŋ bırınşı orynbasary B. Narymbetov «BizBirgemiz» respublikalyq aksiiasy men «Birgemiz» qoǧamdyq qory aiasynda atqarylǧan jūmystardy baiandady.
«Birgemiz» respublikalyq qoǧamdyq qorynan 40 myŋnan asa qala tūrǧynynyŋ jeke esepşottaryna 50 myŋ teŋgeden jalpy 2,8 mlrd teŋge qarajat audaryldy. Al «BizBirgemiz» aksiiasy aiasynda 8 myŋnan asa otbasy azyq-tülık jiyntyǧymen qamtamasyz etıldı jäne 1 mln maska tegın taratyldy. Qaladaǧy su basu apatynan zardap şekken «Eltai» eldımekenındegı 60 otbasyǧa azyq-tülıkpen gigienalyq zattar taratyldy»,-dedı B.Narymbetov.
Onyŋ aituynşa, «BizBirgemiz-Maqtaaral» aksiiasy aiasynda su tasqynynan zardap şekken Maqtaaral tūrǧyndaryna Şymkent qalasynan 127 tonna azyq-tülık, gigienalyq zattar, 5100 azamatqa aiaq kiım men tösek oryndar, 400 dana kılem jöneltılgen. 20 üidıŋ qūrylysy jürude. Jalpy 81 million teŋge kölemınde qarjylai kömek berıldı.
QR Prezidentı Q.K.Toqaevtyŋ tapsyrmasymen äzırlengen «Jūmyspen qamtudyŋ jol kartasy» baǧdarlamasynyŋ ıske asyryluyna partiialyq baqylau ornatyldy. Baǧdarlamany jüzege asyruǧa respublika boiynşa 1 trln.teŋge qarjy josparlanyp, onyŋ ışınde Şymkent qalasyna 45,3 mlrd.teŋge bölındı.
Jospar boiynşa 224 investisiialyq jobalarda qalada 8380 jūmys oryndary qūrylady. Bügıngı künge 190 jobada 2 641 jūmys oryndary aşylyp, jūmyspen qamtu ortalyǧy arqyly 1 036 adam jūmyspen qamtylǧan.
Filial töraǧasy atqarylǧan jūmystardy qorytyndylap, partiia belsendılerıne Elbasy tapsyrmalary men jüktelgen mındetterdı sapaly ärı uaqtyly oryndaudy tapsyrdy. Sonymen qatar, «BizBirgemiz» respublikalyq aksiiasy arqyly halyqtyŋ äleumettık az qorǧalǧan tobyna erıktı demeuşılık körsetetın käsıpkerlerdı tarta otyryp, Şymkent qalasynda qaiyrymdylyq jūmystaryn odan ärı jandandyru kerektıgın basa aitty.
Şymkent
