Jazdyŋ alǧaşqy künımen tūspa-tūs keletın 1 mausym - halyqaralyq balalardy qorǧau künı «Şyǧys» öŋırlık qolbasşylyǧynyŋ äskeri garnizondaryna qarasty barlyq äskeri bölımderde jyl saiyn ūiymdastyrylady.
Äskeri qyzmetşılerdıŋ otbasy müşelerımen jūmysty ūiymdastyru qyzmetı köp bala jäne mümkındıgı şekteulı balalardy tärbielep otyrǧan, sondai-aq, jauyngerlık tapsyrmany oryndau barysynda qaitys bolǧan otbasylardy qūttyqtady. Odan basqa äskeri qyzmetşılerdıŋ balalarynyŋ qatysuymen san türlı mädeni-şyǧarmaşylyq, sporttyq ıs-şaralar ötkızıldı. Būl – dästürge ainalǧan şara.
Biyl garnizondarda äskeri qyzmetşılerdıŋ balalary arasynda «Bız – baqytty balamyz!» taqyrybynda suret saludan onlain-konkurs boldy. Otbasy müşelerımen jūmysty ūiymdastyru qyzmetınıŋ jetekşısı Dariia Dosanbekova atap ötkendei, qylqalam şeberlerınıŋ saiysy öskeleŋ ūrpaqty otansüigıştıkke, eŋbekqorlyqqa tärbieleidı, jas daryndardy anyqtauǧa mümkındık beredı. Suret saludan ötken onlain-konkurs elımızde jariialanǧan tötenşe jaǧdai talaptaryn saqtai otyryp jüzege asty.
Onyŋ qorytyndysy boiynşa ynta-jıgerımen erekşelengen balalarǧa äskeri bölım komandirınıŋ tarapynan alǧys hattar men bazarlyqtar ūsynyldy.
Būl kün kämelettık jasqa tolmaǧan balalardy beiımdeu ortalyǧynyŋ tärbielenuşılerı üşın de erekşe este qaldy. Äskeri qyzmetşıler animatorlarmen bırıgıp, jasöspırımderdı tosyn syi jasap qūttyqtady. Tättı taǧamdar ūsynyp, syilyqtar da taratty. Jas jetkınşekter asqaq armandaryna toly şarlaryn kök aspanǧa ūşyrdy.
«Balalar künıne orai ūiymdastyrylǧan ıs-şaralar sanitarlyq-epidemiologiialyq talaptardy saqtai otyra ūiymdastyryldy. Jetkınşekterdı merekemen qūttyqtau şarasy äskeriler tarapynan jyldan jylǧa jalǧasyn tabuda», -dep atap öttı äskeri qyzmetşılerdıŋ otbasy müşelerımen jūmysty ūiymdastyru qyzmetınıŋ jetekşısı Gülnara Mojikova.
