Äleumettık jelılerde Almatydaǧy "baraholka" bazarynyŋ jalǧa beruşılerı men satuşylaryna mausym aiynda taǧy jūmystyŋ toqtaityndyǧy turaly eskertılıptı degen aqparat tarai bastady. Alaida Almaty qalalyq Käsıpkerlık jäne investisiialar basqarmasy būl aqparatty joqqa şyǧardy, dep habarlaidy «Adyrna» ūlttyq portaly zakon.kz,-ke sılteme jasap.
«Bız būl aqparatty rastamaimyz. Barlyq şeşım bas sanitarlyq därıgerdıŋ qaulysymen maqūldanady, bıraq jalpy, özderıŋızge belgılı, bır apta būryn, iaǧni mausym aiynyŋ 1-ınen bastap koronavirustyŋ aldyn alu jäne ony anyqtau, emdeu boiynşa jaŋa erejeler qabyldandy, onda karantindık rejim jūmsartylǧan keibır öŋırde qyzmetıne rūqsat etılgen obektılerge qoiylatyn talaptardy qataŋdatu belgılendı», - dedı Basqarma basşysy Erkebūlan Orazalin arnaiy onlain-brifingte.
Onyŋ aituynşa, äkımdık tūtastai alǧanda qataŋ karantin jaǧdaiyna oraludy közdemeidı.
"Bız būl jaǧdaida rūqsat etılgen nysandar men öndırısterdı qaita jabu orynsyz dep esepteimız, bızde ondai şeşım de joq (jabu, qyzmettı toqtatu turaly - avt), bıraq jūmysyna rūqsat etılgen barlyq käsıpkerlık nysandarǧa sanitarlyq qauıpsızdıktı saqtauǧa baǧyttalǧan karantindık talap küşeitıledı. Būl baǧytta SJS qyzmetı belsendı jūmys jürgızude. Eger karantin talaptary būzylǧany anyqtalsa, iä, ondaida keibır nysandar jabyluy mümkın, sondai-aq auru jūqtyrǧan adamdar anyqtalǧan jaǧdaida", - dep sözın qorytyndylady Erkebūlan Orazalin.
Onyŋ aituynşa, qazır karantin şaralaryn jeŋıldetu jäne bırqatar nysandardy aşuǧa rūqsat beru arqasynda Almatyda 800 myŋ jūmys orny qalpyna keltırıldı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz