"Rýhanı Jańǵyrý" logotıpiniń tarıhy

1508

Elbasymyz Nursultan Ábishuly Nazarbaev 2017 jyldyń sáýirinde qoǵamdyq sanany jańǵyrtý týraly baǵdarlamalyq maqalamen sóz sóıledi. "Rýhanı Jańǵyrý" emblemasy sol kezden bastap qalalyq peızajda óz ornyn tapqan bolatyn.

Qoǵamdyq sanany jańǵyrtý - aldaǵy jyldary qazaqstandyqtarǵa jolsilter úsh sóz. Emblemadaǵy túrli-tústi qanatty qusymyz baıtaq dalamyzdy sharlap, rýhanı qundylyqtardy jandandyrýǵa shaqyrady. "Rýhanı Jańǵyrý" baǵdarlamasynyń logotıpin sheneýnikterdiń lakandary men ústel ústi bloknotalarynan ǵana emes, sondaı-aq qaladaǵy ǵımarattarymyzdan da baıqaýǵa bolady.

Qalamyzda Rýhanı jańǵyrtý jónindegi baǵdarlamanyń logotıpin tabý qıyn emes. Tek kózińizdi kóterseńiz bolǵany, túrli-tústi synyqtardan jınalǵan erkin qusty kóp jerden baıqaı alasyz.

Tipti, bul qus keıbireýlerdi jańa jyldyq kostıýmderdi jasaýǵa shabyttandyrdy. "Rýhanı Jańǵyrý" baǵdarlamasymen úndesip, alyp qanattaryn túzep, "Mıss Vselennaıa" sulýlyq baıqaýynyń podıýmyna qazaqstandyq Sabına Ázimbaeva shyqty.

"Rýhanı jańǵyrý" logotıpi men L ' Aigle De Patmos Franýz teatr ortalyǵynyń uqsastyǵy – Qazaqstandaǵy ózekti taqyryptardyń birine aınalǵan bolatyn.

"Rýhanı jańǵyrý" logotıpi boıynsha shynymdy aıtsam, men bul dúrlikti túsinbeımin. Bul plagıat bizge kelip túspedi dep aıyptaýǵa qatysty suraý joq – bul birinshiden. Ekinshiden, biz sizdermen barlyq qustar bir-birine uqsaıtynyn, qanattary, tumsyǵy jáne t.b. bar ekenin túsinýimiz kerek. Biraq siz logotıp Qazaqstannyń ulttyq týynan alynǵany birden kórinip turǵanyn túsinýińiz kerek", – dedi QR AKM basshysy.

Jalpy, "Rýhanı Jańǵyrý" sóz tirkesi Elbasymyzdyń baǵdarlamalyq maqalasynyń taqyryby. Onyń maqsaty - qazaqstandyqtardy "jahandaný" belgisi bar qazirgi álemdegi rýhanı qundylyqtardy jańǵyrtýǵa baǵyttaý.

"Rýhanı Jańǵyrý" birneshe jobany qamtıdy:"Týǵan jer" "kishi otandy" damytýǵa baǵyttalǵan, Sakraldy geografııa qasıetti oryndar týraly derekterdi jınaıdy,"Jahandyq álemdegi qazirgi qazaqstandyq mádenıet" arnaıy jobasy sheteldikterdi kóshpeli halyqtyń mádenıetimen tanystyrady, al "100 jańa tulǵa" talantty qazaqstandyqtar týraly áńgimeleıdi.

Alına Dıas

T.Q.Júrgenov atyndaǵy Qazaq Ulttyq Óner Akademııasy

«Medıajýrnalıstıka» mamandyǵynyń stýdenti

 

Pikirler
Redakııa tańdaýy