Ukraina prezidentı Vladimir Zelenskiidıŋ äielı Elena Zelenskaia koronavirus jūqtyrdy. Onyŋ jaǧdaiy jaqsy, simptomdar baiqalmaidy. Būl turaly Ukraina prezidentınıŋ baspasöz qyzmetı habarlady. Prezident Zelenskii men balalarynyŋ analizınen koronavirus tabylmaǧan.
Elena Zelenskaia qazır ambulatoriiada emdelıp jatyr jäne otbasynan oqşaulanǧan. Prezident äielınıŋ mausymnyŋ basyndaǧy analizınen virus tabylmaǧan.
"Onyŋ virusty qaşan jäne qaida jūqtyryp alǧany äzırge belgısız. Epidemiologiialyq tekserıs jürgızılıp jatyr. Bailanysta bolǧan adamdardyŋ bärıne habarlandy" dep mälımdedı prezidenttıŋ keŋsesı.
Prezident aldaǧy bolatyn jinalystaryn onlain rejimge auystyryp, jeke kezdesulerı men qatysatyn ıs-şaralaryn keiınge qaldyrdy.
"Men de osyny bastan ötkergım keledı. Janymdaǧylarǧa "adamdar būl derttıŋ jaman ekenın tüsınu üşın men de auyryp köreiın, menı oqşaulap tastaŋdar. Ony da ötkerermın. Osy arqyly jūrtqa körsetsem" dedım. Keiın būl "şekten şyǧu" dep, oiymnan bas tarttym. Otbasym keşırmes edı" degen Zelenskii.
Aita keteiık, Ukrainanyŋ Kiev jäne basqa toǧyz aimaǧy karantin rejimın jeŋıldetudıŋ kelesı kezeŋıne daiyn emes. Būl turaly jūmada Ukraina prezidentı Vladimir Zelenskiidıŋ töraǧalyǧymen ötken COVID-19 taraluyn boldyrmauǧa arnalǧan konferensiiada aityldy, dep habarlady prezidenttıŋ baspasöz qyzmetı.
Zelenskii būǧan deiın "jūrtqa virustyŋ qauıptılıgın körsetu üşın özı de koronavirus jūqtyrǧysy keletının" aitqan edı.
Anneksiialanǧan Qyrym men Sevastopol, okkupasiialanǧan Donbass aimaǧyn qospaǧanda Ukraina aimaǧynda 29753 adamnan koronavirus tabyldy. 13567 adam emdelıp şyqty. 870 adam qaitys boldy. 11 mausymda Ukrainada 689 adamnan virus tabyldy. Būl – antirekord.
Aiaulym ÄBILDA, "Adyrna" ūlttyq portaly.
