Shymkent qalasynda epıdemıologııalyq jaǵdaıdyń órshýine baılanysty karantın sharalary kúsheıtiledi.
Búgin Shymkent qalasy ákimdiginde Shymkent qalasy ákiminiń birinshi orynbasary Erbol Sadyr qaladaǵy ınfekııalyq aýrýlardyń taralýy jóninde BAQ ókilderine arnaıy suhbat berdi.
Erbol Ábilhaıyruly aldymen qaladaǵy epıdemıologııalyq jaǵdaıdy jetkizdi.
– Qazir Shymkent qalasynda tek qana koronavırýs emes, JRVI (jedel respıratorly vırýstyq ınfekııa) men pnevmonııa órship tur. Osy boıynsha biz kúndelikti naqty josparly jumystardy jasap jatyrmyz. Al pandemııamen aýrýshylar sany 2300-ge jetti. Onyń ishinde keshegi kúni 116 adam tirkeldi. Sol sebepti naýqastar sanynyń kúrt ósýine baılanysty jedel járdem qyzmetin kúsheıtýge kúsh saldyq. Dál qazir 100 brıgada tolyqtaı jumys isteýde. Odan bólek, dıspetcherlik qyzmetti ulǵaıttyq. Sońǵy taldaýlar boıynsha 1 maýsymda bir táýliktiń ishinde 1091 shaqyrtý bolsa, 10 maýsymda 1200-den asqan, al keshegi kúni shaqyrtý 1850-ge jetken. Bul medıınalyq shaqyrtýlardyń basym bóligi – JRVI jáne pnevmonııamen aýyrǵan naýqastar. Dál keshe 129 naýqas qabyldanǵan. Osy jaǵdaıǵa baılanysty aldyn ala karantındik jáne provızorlyq staıonarlardy kúsheıttik. Iaǵnı, osydan bes kún buryn qosymsha 650 tósek-oryn engizdik. Sol tósek-oryndar bes kúnniń ishinde tolyp qaldy. Keshegi kúni reabılıtaııaǵa qosymsha 100 tósek-oryn uıymdastyrdyq. Bul rette karantındik staıonar bolǵan eki nysandy 380 tósek-orynmen provızorlyq staıonar qylyp qostyq. Bul provızorlyq staıonarlarda emdeý sharalary kezinde úsh topqa bólip, arnaıy algorıtm jasadyq. Al keri baılanystaǵy qaýipti toptaǵy azamattarǵa kúndelikti telefonmen habarlasyp otyrmyz. Aıta keteıik, bul staıonarlar koronavırýstyń jeńil túrimen aýyrǵan azamattardy emdeýge arnalǵan. Atalǵan provızorlyq staıonarlar qala ákimi Murat Dúısenbekulynyń tikeleı tapsyrmasymen iske asýda, – dedi E.Sadyr.
Sondaı-aq, ol pnevmonııamen aýyrǵan naýqastar sany 7,2 paıyzǵa óskenin tilge tıek etip, endigi maqsat kúrt ósken bul dertti aýyzdyqtaý boıynsha qarqyndy jumys jirgiziletinin aıtty. Osyǵan oraı qala ákiminiń tapsyrmasymen qosymsha ǵımarattar ashylatynyn boldy.
– Qazirgi tańda aýrýdy ótkizip alǵan naýqastardyń ólim kórsetkishi ósip jatyr. Keshe aýyr jaǵdaıda kelgen 8 naýqas kóz jumdy. Munyń kópshiligi – burynnan sozylmaly aýrýlary bar azamattar. Osyǵan baılanysty provızorlyq stoıonarlar kúsheıtilip, bárinde dári-dármektiń barlyǵy tolyq jetkilikti. Bul jaǵdaıdy baqylaýda ustap, jaqsartý maqsatynda jergilikti bıýdjetten 25 IVL (ókpeniń jasandy jeldetý apparaty) apparatty aldyq. Búginde 301 IVL apparaty bar. Odan bólek, jataqhanalarǵa demeýshilerdiń kómegimen 6 IVL apparaty qoıyldy. Bul rette demeýshilerdiń taǵy bir kómegimen 100 myń betperde jáne kıslorodpen demalatyn 100 Bobrova apparaty kele jatyr, – dedi E.Ábilhaıyruly.
Arnaıy suhbatta qala ákiminiń birinshi orynbasary qalada epıdemıologııalyq jaǵdaıdyń nasharlaýyna baılanysty 2020 jylǵy 23 maýsymynan bastap shekteý sharalary kúsheıetinin de jetkizdi.
Atap ótsek:
1. Bazarlardyń jumys kestesi tańerteń saǵat 06:00-den 16:00-ge deıin (azyq-túlik, azyq-túlik emes, mal, kólik bazarlary), al kóterme saýda bazarlary saǵat 05:00-den 13:00-ge deıin shekteledi;
2. Barlyq saýda nysandarynyń (oıyn-saýyq ortalyqtary, saýda ortalyqtary, saýda úıleri, dúkender, sýpermarketter, gıpermarketter, kishi-marketter, zoo jáne gúl satatyn dúkender jáne t.b.) jumys kestesi 10:00-den 18:00-ge deıin, al jeke ornalasqan azyq-túlik sýpermarketteri men dúkenderi saǵat 21:00-ge deıin shekteledi;
3. Áleýmettik araqashyqtyqty jáne sanıtarlyq epıdemıologııalyq talaptardy qatań saqtaı otyryp, qoǵamdyq tamaqtandyrý oryndarynyń (kafeler, meıramhanalar jáne t.b.) jumys kestesi saǵat 09:00-den 21:00-ge deıin, al doner, lavash ortalyqtary, quıylatyn sýsyndar men balmuzdaqtar saǵat 10:00-den 18:00-ge deıin shekteledi;
4. Onlaın rejıminde kórsetiletin qyzmetterdi qospaǵanda Jumyspen qamtý jáne Halyqqa qyzmet kórsetý ortalyqtarynyń jumys kestesi tańerteń saǵat 08:00-den 12:00-ge deıin shekteledi;
5. Qoǵamdyq kólikter dezınfekııalyq sharalardy jalǵastyra otyryp, jumys rejımi tańerteń saǵat 07:00-den 11:00-ge deıin jáne keshki saǵat 17:00-den 20:00-ge deıin shekteledi;
6. Jumys kúnderi (dúısenbi – juma) qyzmet kórsetýge ruqsat etilgen barlyq obektilerdiń (qyzmet kórsetý salasynda sonyń ishinde fıtnes, monshalar, saýnalar, SPA - salondary jáne saýda salasynda sonyń ishinde pisken taǵamdardy, fasfýd, jumsaq balmuzdaq, sýsyndar, taǵy basqa satý dúńgirshekteri, qarjy salasynda) jumys ýaqyty saǵat 10:00-den 18:00-ge deıin shekteledi. Demalys kúnderi (senbi, jeksenbi) jumysy toqtatylady.
Al demalys kúnderindegi (senbi, jeksenbi) karantın sharalary mynadaı:
1. Jeke ornalasqan azyq-túlik sýpermarketteri men dúkenderin (10:00-den 21:00-ge deıin) qospaǵanda, barlyq saýda bazarlary (azyq-túlik, azyq-túlik emes, mal, kólik bazarlary) jáne saýda nysandarynyń (oıyn-saýyq ortalyqtary, saýda ortalyqtary, saýda úıleri, onyń ishinde ornalasqan dúkender, sýpermarketter, gıpermarketter, kishi-marketter, zoo jáne gúl satatyn dúkender) jumystary toqtatylady;
2. Barlyq qoǵamdyq tamaqtandyrý oryndarynyń jumysy jáne qoǵamdyq kólikterdiń jumysy toqtatylady.
Suhbat sońynda karantın kezeńinde jumysyn toqtatatyn nysandar da aıtyldy:
1. Mektepke deıingi (balabaqsha, túzetý ortalyqtary) uıymdardyń jumysy toqtatylady;
2. Sport nysandarynyń (fıtnes-ortalyqtary, jattyǵý zaldary, sport basseıni jáne keshenderi) jumysy toqtatylady;
3. Bazarlardyń sanıtarlyq kúni demalys kúnge (senbi, jeksenbi) belgilenedi;
4. Qala turǵyndarynyń kópshilik jınalatyn oryndarǵa, onyń ishinde jıi jınalatyn oryndar, jaıaý serýendeý oryndary (kóshe), saıabaqtarǵa, skverlerge, jaǵalaýǵa, alańdarǵa, balalar jáne sporttyq alańdaryna, týrıstik oryndarǵa barýǵa shekteý qoıylady.
Al qala tóńiregindegi (Shymkentke qaraıtyn - red.) barlyq medıınalyq uıymdar, dárihanalar jáne qalanyń tynys-tirshiligine qatysty barlyq kommýnaldyq qyzmetter qalypty rejıminde jumysyn jalǵastyrady.
«Qala turǵyndary karantındik erejelerdi saqtap otyrǵan joq. Ózderińiz de áleýmettik jelilerden kórip jatqandaı toı-tomalaq ótkizýde. Negizi árbir azamat óz ómirine ózi jaýapty. Al biz kináni basqa bireýden izdeımiz. Búgingi dárigerler táýlik boıy demalyssyz jumys isteýde. Sol sebepti aýrý oshaqtarynda júrgen soń, olardyń 20 paıyzy aýyryp qalýda. Osyǵan baılanysty aýrýhanalardy taza jáne las zonalarǵa bóldik. Óıtkeni dárigerlerdi saqtaýymyz kerek. Sondaı-aq, aq halattylardyń ornyn almastyratyn qosymsha mamandardyń tizimin jasap jatyrmyz. Alaıda bir aıta ketetini, eger biz sanıtarlyq normalardy saqtamasaq, dárigerlerdi de saqtaı almaımyz. Osyny túsinýimiz kerek», – dep sózin aıaqtady qala ákiminiń birinshi orynbasary.
Shymkent
