Almatydaǧy Sairan kölınde şomylu öte qauıptı. Ai basynda alynǧan synamadan mamandar adam aǧzasyna asa qauıptı virus anyqtalǧanyn aitty. Būl turaly 24.kz. habarlady.
Köl suyna jürgızılgen bakteriologiialyq synama nätijesı adam aǧzasyna asa qauıptı virus baryn körsetken. Sondai-aq, sudaǧy ışek auruy taiaqşalarynyŋ qalypty mölşerden toǧyz ese asyp ketkenı anyqtalǧan.
Qazırgı kezde köl aumaǧy qorşalyp, sanitarlyq qyzmettıŋ qataŋ eskertpesın elemei, suǧa tüsıp, şomylyp jürgen adamdardyŋ äreketı dūrys emes deidı mamandar.
«Bügınnen bastap äkımdık ökılderımen jäne arnaiy mamandarmen bırge tüsındıru jūmystaryn jürgızemız. Mūndai şaralar demalys künderı de jalǧasatyn bolady», – deidı Almaly audandyq tauarlar men körsetıletın qyzmetterdıŋ sapasy men qauıpsızdıgın baqylau basqarmasynyŋ basşysy Säule Nūrǧalieva.
Aita keteiık, aidyŋ basynda alynǧan köl suynyŋ synamasynan mamandar A gepatitınıŋ virusy anyqtalǧanyn aityp otyr. Osydan keiın köl maŋy qorşauǧa alynyp, şomyluǧa qataŋ tyiym salyndy.
"Adyrna" ūlttyq portaly
