Türkıstan oblysynyŋ polisiiasy därı-därmektı zaŋsyz satu faktılerın anyqtady

Türkıstan oblysy Polisiia departamentınıŋ qyzmetkerlerı därıhanalardaǧy därı-därmekterdı zaŋsyz satu faktılerın boldyrmauǧa baǧyttalǧan reid ötkızdı, – dep habarlaidy Polisia.kz. Qorytyndysynda oblys aumaǧynda bes därı-därmekter men medisinalyq qūrylǧyldardy zaŋsyz satu faktılerı anyqtaldy. Türkıstan qalasynyŋ aumaǧynda jürgızılgen jedel ıs-şaralary kezınde polisiia qyzmetkerlerı qalalyq därıhanalardyŋ bırınıŋ farmasevtın Cef-3 därı-därmekterın ülken kölemde satyp jatqan jerınen ūstady. Satuşy 336 qorapty 1500 teŋgeden 405 000 teŋgege satqan. Al, därıhanalardaǧy bır qoraptyŋ qūny – 1300 teŋge. Odan ärı, äleumettık jelılerdı baqylau barysynda kriminaldyq polisiia qyzmetkerlerı Saryaǧaş tūrǧynynyŋ medisinalyq maskalardy zaŋsyz saudalanǧanyn anyqtady. Tūrǧynnyŋ kölıgın tekseru kezınde tärtıp saqşylary taǧy 4950 dana mölşerde medisinalyq maska tärkıledı. Sol künı Arys audanynda polisiia qyzmetkerlerı “askorbin qyşqylyn” Arys qalasyndaǧy därıhanalardyŋ bırınen 700 teŋgeden satylǧanyn anyqtaǧan. Bölşek saudada atalǧan därı baǧasy 300 teŋge. Barlyq anyqtalǧan faktıler boiynşa tekseru jürgızılıp, Qazaqstan Respublikasynyŋ zaŋnamasyna säikes arnaiy şaralar qabyldanatyn bolady. Türkıstan oblysynyŋ polisiiasy därı-därmekterdıŋ qymbat baǧamen, ärı zaŋsyz satyluyna kuä bolǧan tūrǧyndardy polisiianyŋ “102” telefonyna habarlasuǧa şaqyrady. Polisia.kz