Älemdı alaŋdatyp otyrǧan koronavirus ındetıne bailanysty Şymkent qalasynda saqtyq şaralary barynşa küşeitılude. Qauıptı ındettıŋ aldyn alu maqsatymen halyq arasynda tüsındırme jūmystary jürgızılude.
Mysaly, Şymkent qalasynyŋ äkımdıgı qūzyrly organ qyzmetkerlerımen bırlesıp, adam qarasy köp jerlerde dybys küşeitkış qūraldyŋ kömegımen COVID-19 auruynan saqtanu boiynşa aqparattar berude.
Osyǧan bailanysty, «Şymkent Siti» şaǧynaudanyndaǧy 9 qabatty 16 tūrǧyn üidıŋ aulasynda qauıptı ındettıŋ aldyn alu boiynşa ügıt-nasihat jūmystary jürgızıldı.
Sondai-aq tüsındırme jūmystary qalanyŋ özge de şaǧynaudandarynda jalǧasuda. Atap aitsaq, «Tūran» şaǧynaudanyndaǧy 9 qabatty 13 jäne 5 qabatty 16 tūrǧyn üidıŋ aulasynda, «Adiia» şaǧynaudanyndaǧy 5 qabatty 15 tūrǧyn üidıŋ aulasynda jäne Tölemetov köşesınıŋ boiynda ornalasqan 7 qabattyq 16 üi, 9 qabattyq 9 üi, 5 qabattyq 10 tūrǧyn üidıŋ aulasynda COVID-19 auruynan saqtanu şaralary tūrǧyndarǧa jan-jaqty tüsındırıldı.
Būl rette, medisina mamandary qala tūrǧyndaryna qaterlı ındettıŋ älı de qauıp töndırıp tūrǧanyn eskertedı. Saqtyq şaralaryna salǧyrt qaramai, adamdar köp şoǧyrlanatyn oryndardan aulaq boluyn, qoǧamdyq kölıkterde, dükender men qoǧamdyq taǧamdanu oryndarynda betperde kiıp jüruge şaqyrady.
Aita ketsek, Şymkent qalasy boiynşa COVID-19 infeksiiasyn jūqtyrǧandar sany bügınde 3594-ke jetse, jazylyp şyqqandar sany 717 adamdy qūraidy. Jalpy elımızde qauıptı ındettı jūqtyrǧandardyŋ sany – 49 myŋ 683.
Şymkent
Ūqsas jaŋalyqtar
