Qurama Shtattar uıǵyrlar quqyǵynyń buzylýyna sebepshi bolǵan degen Qytaıdyń joǵarǵy laýazymdy tórt sheneýnigine sankııa saldy. Shekteý Magnıtskıı aktisi aıasynda engizilgen. Bul jóninde AQSh qarjy mınıstrligi málimdedi.
Sankııaǵa sáıkes, Qytaıdyń Shyńjań aımaǵynyń gýbernatory Chen ıýangoǵa, aımaqtyń saıası jáne zań komıtetiniń burynǵy basshysy Zý Haılýnǵa, qaýipsizdik salasy jetekshisi Van Mıngshenge jáne Shyńjańnyń qaýipsizdigin baqylaǵan burynǵy jetekshisi Hýo Lýchıýnǵa Qurama Shtattarǵa vıza berilmeıdi. Olardyń AQSh-taǵy mal-múlki qamaýǵa qoıylady.
Prezıdent Donald Tramp Qytaıdyń Shyńjań-Uıǵyr avtonomdy aımaǵyndaǵy musylmandardyń qýǵyndalýyna baılanysty joǵarǵy qyzmettegi sheneýnikterge sankııa salýǵa múmkindik beretin zań jobasyna qol qoıǵan.
Halyqaralyq quqyq qorǵaý uıymdary men birqatar Batys elderi Qytaı bıligi Shyńjańdaǵy uıǵyr, qazaq jáne qyrǵyz sııaqty ıslam dinin ustanatynyn etnostyq toptardy "saıası tárbıe lagerlerine" negizsiz qamap otyrǵanyn aıtyp keledi. Osyǵan deıin Qytaıdan kelgen ondaǵan qazaq jáne qyrǵyz Shyńjańdaǵy týystary lagerlerde qamalyp jatqanyn aıtyp, bılikten kómek suraǵan.
Qytaı bıligi Shyńjań turǵyndary dinı jáne saıası kózqarasy úshin qýǵyndalyp jatqanyn teriske shyǵaryp, lagerler tek jańa kásipke úıretý ortalyǵy dep keledi.
Centralasia.org
