Ökpe qabynuynan bügın Almaty oblysy äkımınıŋ orynbasary Serıkjan Beskempırov qaitys boldy dep habarlaidy "Adyrna" "Habar 24"-ke sılteme jasap.
Serıkjan Beskempırov 1960 jyly 1 qaŋtarda tuǧan, üilengen, ekı balasy bar.
Osy jyldar ışınde ol Üştöbe et kombinatynda aǧa brigadir, slesar, «Temırlan» JŞS direktory, Taldyqorǧan qalasy äkımı apparatynyŋ bölım bastyǧy, Qaratal audany äkımınıŋ orynbasary, Qaratal audanynyŋ äkımı, Tekelı qalasynyŋ äkımı qyzmetterın atqardy. Ol 2012 jyldyŋ mausym aiynan bastap Almaty oblysy äkımınıŋ orynbasary qyzmetın atqardy.
Ol bırneşe jyldan berı auyl şaruaşylyq salasyna jetekşılık etıp, onyŋ damuyna öz ülesın qosqan edı. Sonymen qatar osy dertten oblystyŋ bas sanitarlyq därıgerı Qairat Baimūhambetov te köz jūmdy. Osy lauazymda bır jyldan asa qyzmet etken marqūm öŋırde koronavirus ındetınıŋ taralmauy üşın qauıpsızdık talaptaryn engızıp, el amandyǧyn saqtau maqsatynda eŋbek etken bolatyn.
