Älemdı älekke salǧan jūqpaly ındettıŋ elımızde beleŋ aluynan qaiǧyly jaǧdailar öte köbeiıp, soǧys kezındegıdei qazaq otbasy qara jamylyp qaldy.
Būl kezeŋdı soǧyspen bırdei dep aituǧa bolady. Sebebı äskeri soǧysta öz jauyŋnyŋ sanyn bılıp, taktikasyn barlap, soǧan qarsy qarsy qorǧanysyŋdy, şabuyldy küşeitesıŋ.
Al koronavirus – körınbei kelıp, alqymyŋnan kelıp bır alatyn körınbeitın jau.
Ūly Otan soǧysy jyldary el basyna kün tuǧanda Mänşük pen Äliia batyr qyzdarymyz özderı sūranyp, maidanǧa attanyp erlık körsetıp edı.
Endı qazaqty şetınen jalmap kele jatqan körınbeitın jaudy toqtatu üşın azuly aitysker aqyn Ainūr Tūrsynbaeva men belgılı telearna jürgızuşısı, jurnalist Janat Baqyt halqyna kömek berıp, imandylyqtaryn, ūlt adamgerşılıkterın körsettı.
Koronaviruspen küresuge bölıngen 6 trln teŋgenıŋ jäne özge memleketterden kelgen gumanitarlyq kömekterdıŋ tiıstı densaulyq salasyna jetpeuınen jäne dūrys bölınbeuınen nauqastarǧa tynys alu apparattary jetıspei, soŋǧy 20 kün ışınde elımızde qaiǧyly jaǧdailar öte köbeiıp kettı.
El basyna kün tuǧanda Ükımet şarasyzdyq tanytyp, abdyrap qalǧanda, tek özıne ǧana tän sypaiy mınezımen, jūmsaq qoŋyr ünımen tyŋdauşynyŋ kökıregıne säule qūiarlyq etıp, tolǧantyp-tebırentıp jetkızetın, aitysta bırneşe ret bas jülde ielengen aitysker aqyn Ainūr Tūrsynbaeva men özgege ūqsamaityn myqty diksiiasy men äuezdı ünımen körermenderge jaŋalyqty şeber jetkıze bıletın Janat Baqyt ındet jūqtyrǧan adamdarǧa asa qajettı tynys alu apparattaryn Türkiia elınen aldyru üşın bastama köterdı.
Qos qaisar qyzymyz halyqtan qarjy jinap, Türkiia elıne Ainūr Tūrsynbaeva özı baryp, elge 125 dana tynys alu apparattaryn äkeldı. "El basyna kün tusa, er etıgımen su keşer" demekşı, qolynda bilıgı, qomaqty qarjysy bar er azamattar ünsız, ıs-äreketsız otyrǧanda näzık jandy azamatşa bola tūra, qazaǧyn oilap, osyndai igı ıs jasaulary- Ainūr men Janattyŋ batyrlyǧy, imandylyǧy, adamgerşılıgı jäne ūltyna janaşyrlyǧyna naqty dälel emes jäne özgelerge ülgı bolarlyq önegelı igı ıs. Qazaqtyŋ qaisar, imandy qos qyzy Ainūr men Janatqa halqynyŋ amandyǧyn oilap, jasaǧan imandylyq igı ısterıne rizaşylyǧymyzdy bıldıre, raqmet aitamyz! Myqty densaulyq, otbasyna amandyq, igı ısterıne bereke tıleimız!
Talǧat Qatauov,
Täuelsız käsıpodaq ūiymy töraǧasy
