Qūrmettı dostar! Äleumettık jelılerde «Biz Birgemiz» ūrany aiasynda telegram-bottar men ärtürlı onlain tölem jüielerı arqyly 50 myŋ teŋgeden taratylyp jatyr eken degen jalǧan aqparat paida bolǧanyn habarlaimyn.
Keibır azamattar qordyŋ qaiyrymdylyq kömegın alu üşın 2485 teŋge mölşerınde bırjolǧy jiyntyq tölem töleu qajet degen feik habar taratyp jatyr.
Būl aqparat şyndyqqa janaspaidy. Qor qarajatynan berıletın materialdyq kömek aluşylarǧa ekınşı deŋgeidegı bankter arqyly jeke tūlǧanyŋ kartochkasyna nemese aǧymdaǧy esepşotyna audaru täsılımen berıledı. Būl rette qandai da bır qūjat ūsynu nemese salyq töleu talap etılmeidı. Sonymen qatar bankter eşqandai komissiia almaidy, eger aluşynyŋ bank aldynda nesiesı boiynşa qaryzy bolsa da, būl qarajat osy qaryzdy öteu üşın ūstalmaidy.
Özderıŋız bıletındei, Elbasynyŋ bastamasymen qūrylǧan «Birgemiz» qory alǧaşqy künnen bastap 550 myŋnan astam qazaqstandyq otbasyǧa atauly kömek körsettı. Sondai-aq koronaviruspen küreske jūmyldyrylǧan 2 myŋnan astam medisina qyzmetkerı de 50 myŋ teŋgeden aldy. «Jas Otan» belsendılerı 300 myŋdai otbasyǧa azyq-tülık sebetterın jetkızıp berdı. Sonymen qatar Elbasy Nūrsūltan Nazarbaevtyŋ tapsyrmasy boiynşa Maqtaaral audanyndaǧy su basudan zardap şekken Dostyq auylynyŋ tūrǧyndaryna arnap jaŋa üiler saluǧa qordan 340 million teŋge bölındı.
«Birgemiz» qory aşyq jäne esep beru qaǧidattary negızınde halyqtyŋ äleumettık älsız toptaryna qoldau körsetu jūmystaryn ary qarai da jalǧastyra beredı.
Osyndai kürdelı kezeŋde keibır terıs niettı jandardyŋ qiyndyqqa duşar bolǧan azamattardyŋ senımımen oinauy öte ökınıştı jäit.
Qor basşylyǧy mūndai alaiaqtyq äreketterdıŋ jolyn kesu üşın qūqyq qorǧau organdaryna jügınedı.
Taǧy da qaitalap aitqym keledı, tek resmi aqparat közderıne ǧana senıŋızder!
