Jemqorlyq beleŋ alǧan elde qarapaiym mektepke ötınış berudıŋ özı kök qaǧazben şeşılıp jatqan jaǧdailar da az emes. Osy mäselenı tübımen joiu üşın bıraz bastamalar qolǧa alyndy. Qazırgı taŋda kolledjge, mektepke, balabaqşaǧa qabyldau boiynşa elektrondy portaldar ıske qosylǧan. Onyŋ aiqyn dälelı retınde “Benediximus” kompaniiasynyŋ myna jobalaryn atai alamyz:
Kolledjge qabyldau - zhambyltipo.kz
Mektepke qabyldau - eduschool.kz
Balabaqşaǧa qabyldau - edugarden.kz
Osy jönınde “Adyrna” ūlttyq portaly memlekettık qyzmetterdı avtomattandyrumen ainalysatyn “Benediximus” kompaniiasynyŋ direktory Abdeşov Abzalmen sūhbat jürgızdı.
- Abzal myrza, memlekettık qyzmetterdı avtomattandyrudyŋ artyqşylyqtary qandai?
- Sifrlandyru bıraz mäselenı şeşıp bererı anyq. Atap aitar bolsaq, jemqorlyqtyŋ aldyn alu. Mäselen, mektepterde, balabaqşalarda oryndy satyp alu faktılerı köptep tırkelgen. Al portaldarda bärı aşyq türde jürgızıledı. Bılım beru mekemlerındegı oryndar barlyǧyna bırdei uaqytta jariialanyp, bırdei qoljetımdı bolady. Ata-analar bölıngen oryndar sanyn da portaldan baqylap otyra alady.
- Kompaniia 2018 jyldan berı tūraqty türde jūmys jasaidy. Osy uaqyt aralyǧynda halyqtyŋ sifrlyq sauattylyǧyn köteru maqsatynda qandai şaralar ötkızdıŋızder?
- Jūmysty alǧaş bastaǧanda tūrǧyndar arasynda haos boldy desem bolady. Halyq tüsınbedı, keide qarapaiym poşta arqyly parol özgertudı bılmeitın azamattar habarlasatyn. Osy kemşılıkterdı eskere otyryp, bız ärbır mekeme qyzmetkerlerın jinap arnaiy oqytu kurstaryn jürgızdık. 2 jyl būrynǧy nätijege qaraǧanda qazır halyqtyŋ sifrlyq sauattylyǧy 60%-ǧa köterıldı.
- Sızdıŋ kompaniiaŋyz qūrastyrǧan portaldardardyŋ basqa jobalardan artyqşylyǧy qandai?
- Bızdıŋ elektrondy portaldardyŋ artşylyǧy dep mynalardy atar edım: aqparattyŋ barşaǧa qoljetımdılıgı, qoldanuǧa yŋǧailylyǧy jäne portalda analitikalyq esepterdıŋ aşyqtyǧy. Bır ǧana edugarden.kz portalynan mysal keltıre keteiın. Alǧaşynda ailyq tölemaqyny mölşerden tys alyp jatqan mekemeler de kezdestı. Bız osy mäselelerdı eskere otyryp, edugarden.kz portalynda äkımnıŋ qaulysymen bekıtılgen somany köpşılıkke qoljetımdı etıp körsetıp qoidyq. Būl ata-analarǧa balabaqşa taŋdar kezde eskerıp, salystyryp şeşım qabyldauǧa septıgın tigızdı. Mūnda kezek te zaŋdy jolmen jyljyp otyrady. Oryn aşylǧan kezde kezegı kelgen bala ǧana joldama ala alady. Jäne ol joldamany uaqytynda (5 kün ışınde) öŋdemese, kezegı de joiylady. Ol üşın kezektegı basqa balalar zardap şekpeuı kerek qoi? Sonymen qatar, ärbır 3 baladan soŋ arnaiy jeŋıldıgı bar balalar (mügedektıgı bar bala, äskeri azamattyŋ balasy, t.b.) kezekke ornymen kırıktırılıp otyrady. Odan bölek, ata-analar portalda balalarynyŋ kündelıktı as mäzırın de qarap otyra alady.
- Endıgı kezekte zhambyltipo.kz portalynyŋ erekşelıkterın atap ötseŋız:
- Būl joba Jambyl oblysyndaǧy kolledjderdegı qyzmetterdı paidalanudaǧy alǧaşqy ärı jalǧyz joba. Jäne soǧan qaramastan nätijelı jūmys körsetıp jatyr. Onyŋ mynadai artyqşylyqtaryn atap öter edım:
* Tırkelu qajet emes.
* Kollejderdegı emtihandardyŋ barlyǧy osy portalda jürgızıledı
* Student emtihannan şektı ball jinai almaǧan jaǧdaida, qaita tapsyru mümkındıgı, qoiylǧan baǧany özgertu qataŋ türde bılım bölımınıŋ arnaiy qarastyruymen ǧana jüzege asady. Arnaiy komissiia qūrylady.
* Onlain platforma retınde sabaq jürgızuge bolady
* Leksiialar jüktelıp, student 1 apta kölemınde qaita köre alady
* Mūǧalımmen tıkelei chatqa şyǧu mümkındıgı
* Jurnalǧa baǧa qoiylyp, sabaq kestesın de köruge bolady
- Portaldaryŋyzda atalǧan qyzmetter tegın jürgızıle me?
- İä, ärine. Är portal boiynşa aqparattyq ortalyqtarymyzda azamattarǧa tegın konsultasiia jürgızemız. Portaldaǧy elektrondy qyzmetter üşın koll-sentr qyzmetı de ıske qosylǧan. (8-707-209-10-18, 8-707-209-10-11, 8-707-209-10-38)
- Mektepke qabyldau qyzmetı e-gov portalynda da bar. Bıraq mektepter üşın būl ötınış jaramsyz bolyp esepteledı. Nege ötınışterdı osy portalda ǧana jürgıze bermeske?
- Sebebı e-gov-ta mekteppen tıkelei integrasiia joq. Ol jerde berılgen ötınış tıkelei mektepke tüspeitındıkten, bız e-govpen mektep arasynda bailanystyruşy küş retınde jūmys jasaimyz. Egov pen eduskuldy (eduschool.kz) bırıktıru üşın älı de tolyqtyru jūmystaryn jasau kerek. Būl bolaşaqtyŋ enşısınde.
- Abzal myrza, sūhbatyŋyzǧa raqmet! Komandaŋyzdyŋ jūmysyna tabys tıleimız!
- Raqmet!
Adyrna ūlttyq portaly
