Syrymbek Tau – belgılı käsıpker, «DACO-MOTORS» kompaniiasynyŋ negızın qalauşy, Yokohama, Triangele kompaniialarynyŋ Ortalyq Aziiadaǧy resmi distribiutory. Käsıpker ındet bastalǧan kezden bastap halyqqa kömek berıp jür. Ol öz komandasymen bırge Ramazan aiynda 8300 otbasyǧa azyq-tülık taratty. «Adyrna» ūlttyq portaly qoǧam belsendısımen bolǧan sūhbatty nazarlaryŋyzǧa ūsynady.
- Syrymbek myrza, halyqqa bılek sybana kömektesıp jürgen azamattyŋ bırısız. Josparlanǧan qaiyrymdylyq şarasyn aiaqtaǧannan keiın qandai sezımde bolasyz?
- 2008 jyldan berı şamamnyŋ kelgenınşe mūqtaj jandarǧa kömek berıp jürmın. Ärine, qaiyrymdylyq şarasyn aiaqtaǧannan keiın sezınetın sezımdı sözben aityp jetkızu mümkın emes. Belgılı bır qaiyrymdylyq şarasyn öz nätijesıne jetkızıp, halyqqa kömegımdı tigızgen sätte şarşaǧanymdy ūmytyp ketemın. Sonymen qatar, bar energiiamdy jaqsylyqqa jūmsaǧanymdy sezınemın. Al josparlaǧan ısım oidaǧydai aiaqtalmasa, qatty şarşap qalatynym bar. Qazırgı taŋda jaŋa jobalardy daiyndap jatyrmyz. «Tırı bolsam, qazaqqa qyzmet qylmai qoimaimyn» dep Älihan Bökeihanov atamyz aitqandai, aldaǧy uaqytta da qaiyrymdylyq şaralarymdy jalǧastyra bermekpın.
- "Şūǧyla" qorymen bırıge otyra şamamen 3400 ottegı konsentratoryn satyp aluǧa jeterlık qarajat jinadyŋyzdar. Apparattar elge qaşan jetedı?
- İä, «Şūǧyla» qaiyrymdylyq qorymen bırge 460 million teŋge qarjy jinadyq. Qazırgı taŋda 4 myŋ apparatqa tapsyrys berıp qoidyq. Memleket apparattardy elge alyp kelu jūmystaryna kömektesıp jatyr. Alla qalasa, bırınşı ūşaq aldaǧy ekı-üş künde Almatyǧa kelıp qonady.
- Bilıktıŋ ındetpen küresuge jasap jatqan ıs-şaralaryna köŋılıŋız tola ma?
- Şyny kerek, bilıkke elımızde därı-därmek tapşylyǧy bolǧan kezde köŋılımız tolmady. Karantinnen şyqqan soŋ säl bosaŋsyp qaldyq. Qazır barlyǧy rettelıp keledı.
- Ramazan aiynda da bıraz igı ısterdı atqaryp, mūqtaj otbasylarǧa azyq-tülık tarattyŋyz. Arasynda on ekı müşesı sau, jaǧdaiy jaqsy bola tūra kömek alǧysy kelgender boldy ma?
- Bes sausaq bırdei emes qoi. Ramazan aiynda bırşama üidı araladyq. On ekı müşesı sau, jaǧdaiy bar adamdarǧa özderıŋızdı mūqtajdyqqa itermeŋızder dep ünemı aityp otyramyn. Eger olar rasymen de azyq-tülık jäşıgın alǧysy kelıp tūrsa, ärine berıp ketemız. Alaida jaǧdaiy jaqsy bola tūrakömek sūraǧan adamdar köp kezdespedı.
- Estuımşe, «Qaiyrymdylyq jäşıgın» taratqan kezde «bosap ketken säbız berdıŋızder» dep şaǧym aitqan jandar bolypty. Būl ras pa?
- İä, ondai bır-ekı şaǧym boldy. Keiınnen ol kısılerge jaǧdaidy tüsındırıp, tıl tabystyq.
- Ūiymdastyrǧan qaiyrymdylyq şaraŋyzǧa özge eldıŋ azamattary da üles qosypty. Naqty qai eldıŋ azamattarynan qarjy keldı?
- İä, bızdıŋ qaiyrymdylyq şaramyzǧa özge memlekettıŋ azamattary da aqşa audardy. Ukraina, Koreia, Resei, AQŞ elderınen qarjy kelıp tüstı. Şyny kerek, men qatty taŋǧaldym. Būl bızdıŋ kompaniianyŋ ökılderı bolar degen boljam jasadym. Sonymen qatar, Gonkong, Qytai, Moŋǧoliiada tūratyn qandastarymyzdy da şaraǧa üles qosyp, aqşa audardy.
- Qazırgı taŋda adamdardyŋ bır toby igı ıstermen jan rahaty üşın, al bır toby tanymal bolyp, ataq jinau üşın ainalysady. Jeke bastaryn jarnamalaudy közdeitın jandarǧa degen pıkırıŋız qandai?
- Halyq özın jarnamalau üşın qaiyrymdylyq jasaityn adamdardy sezıp, bıledı dep oilaimyn. Sol sebeptı özgege syn aita almaimyn. Olardyŋ baǧasyn halyq beredı. Öz basym, äleumettık jelı joq kezde de qaiyrymdylyqpen ainalystym. Būl äkemnen daryǧan qasiet dep bılemın. Marqūm äkem kölıkte tört adam otyrsa da, jolda tūrǧan jolauşyny tastap ketpeitın. Sol kezde bız maşinanyŋ bagajnigıne baryp jaiǧasatynbyz. Äkem bızdı «Keŋ bolsaŋ, kem bolmaisyŋ» dep tärbieledı. Qaiyrymdylyqty ündemei de jasauǧa bolady, alaida osy joly bız «Şūǧyla» qorymen bırlese jūmys jasap jatyrmyz. Dese de, kompaniianyŋ qanşa aqşa audarǧanyn aitpadyq. Būl joly jasap jatqan sadaqamyzdy jariia ettık. Jariia sadaqanyŋ maqsaty - adamdardyŋ meiırımın oiatu. Ärine, bız ärbır jasaǧan ısımızdı halyqqa aita bermeimız. Osy karantinde tört ülken ıs-şara ūiymdastyryp, ekeuın jasyryn türde jasadyq.
- Al qazırgı adamdarda meiırımdılık qasietı joǧalyp barady degen pıkırge kelısesız be?
- Meiırımdı jandar azaiyp bara jatyr dep aita almaimyn. Mysaly, karantin kezınde bızge 1700-dei adam on teŋgeden million teŋgege deiın aqşa audardy. Ardaq Nazarovtyŋ Alem Fighters sport mektebı, Meirambek, Säken aǧalarymyz ülken kömek körsettı.
- Bügıngı qoǧam qandai qasietke mūqtaj?
- Bızdıŋ qoǧam kışıpeiıldılıkke mūqtaj dep oilaimyn. Qazırgı taŋda adamdar bäsekelıstık pen baqtalastyqqa qūmar. Bız kışıpeiıl bolyp, därıgerler men mūǧalımderdıŋ märtebesın köteruge atsalysuymyz kerek. Şyny kerek, bügınde biznesmenderdıŋ märtebesı äldeqaida joǧary. Negızınde olar tömengı orynda tūruy kerek. Öz basym, bırınşı orynǧa mūǧalımder men därıgerlerdı qoiamyn. Koronavirus pandemiiasy da osy maman ielerınıŋ asa qajet ekenın taǧy bır märte däleldedı.
- «Adyrna» ūlttyq portalynyŋ oqyrmandaryna aitar tılegıŋız?
- Tek jaqsylyqqa ūmtylaiyq!
- Köp raqmet! Sız sekıldı janaşar azamattar köp bolsyn!
Äŋgımelesken Diana ASANOVA,
"Adyrna" ūlttyq portaly
