Jemqorlyq beleŋ alǧan elde qarapaiym mektepke ötınış berudıŋ özı kök qaǧazben şeşılıp jatqan jaǧdailar da az emes. Osy mäselenı tübımen joiu üşın bıraz bastamalar qolǧa alyndy. Onyŋ bırı öz maqsatyna jetse, bırı türlı sebeppen orta jolda öz jūmysyn toqtatyp jatady. Bügın aqparattyq tehnologiialar salasynda nätijelı jūmystar körsetıp jürgen “Benediximus” kompaniiasynyŋ jobalarymen tanysyp, direktory Abdeşov Abzaldyŋ sifrlandyruǧa qatysty oilarymen bölısetın bolamyz.
Qazırgı taŋda kolledjge, mektepke, balabaqşaǧa qabyldau boiynşa elektrondy portaldar ıskeqosylǧan. Onyŋ aiqyn dälelı retınde kompaniianyŋ myna jobalaryn atai alamyz:
Kolledjge qabyldau - zhambyltipo.kz
Mektepke qabyldau - eduschool.kz
Balabaqşaǧa qabyldau - edugarden.kz
Abzal Abdeşov - IT mamandarynyŋ jaŋa tolqynynyŋ jarqyn ökılı. “Benediximus” JŞS direktory öz jūmysynda jobalardyŋ sapasyn bırınşı orynǧa qoiatyn perspektivaly komanda jinai aldy. Soŋǧy ekı jyl ışınde kompaniia 11 jobany jüzege asyrdy, atap aitqanda, bılım beru, memlekettık qyzmetterdı avtomattandyru, IT ortalyqtar jäne internet-resurstar poltardaryn qūru.
Memlekettık qyzmetterdı avtomattandyrudyŋ artyqşylyqtary qandai?
Sifrlandyru bıraz mäselenı şeşıp bererı anyq. Bırınşıden, halyqty bos äureşılıkke salmai, üide otyryp-aq ūialy bailanys arqyly qalaǧan mektebıne balabaqşasyna, käsıptık bılım beruge elektrondy türde ötınış bere alady. Iаǧni uaqyt ünemdılıgı, halyqtyŋ qoljetımdılıgı oŋtailastyrylǧan. Ekınşıden, jemqorlyqtyŋ aldyn aluǧa bolady. Mäselen, mektepterde, balabaqşalarda oryndy satyp alu faktılerı turaly sybystar köp. Al portaldarda bärı aşyq türde jürgızıledı. Bılım beru mekemelerındegı oryndar barlyǧyna bırdei uaqytta jariialanyp, bırdei qoljetımdı bolady. EduSchool portalyndaata-analar bölıngen oryndar sanyn da portaldan baqylap otyra alady. Odan bölek mekteptıŋqaida ornalasqany, basşysy kım ekenı, mektep statusy jaily aqparat bar. Portalda basqa da memlekettık qyzmetter körsetıledı. Olar: sauyqtyru lagerıne, tegın tamaqqa, mektepten mektepke auysuǧa, üiırmelerge ötınış beru.
Atalmyş portaldardardyŋ basqa jobalardan artyqşylyǧy qandai?
*Käsıptık bılım beru ūiymynyŋ ışkı jüiesı tolyq avtomattandyrylǧan;
*Kollejderdegı emtihandardyŋ barlyǧy osy portalda jürgızıledı;
*Student emtihannan şektı ball jinai almaǧan jaǧdaida, qaita tapsyru mümkındıgı, qoiylǧan baǧany özgertu qataŋ türde bılım bölımınıŋ arnaiy qarastyruymen ǧana jüzege asady. Arnaiy komissiia qūrylady;
*Onlain platforma retınde sabaq jürgızıledı;
*Leksiialar jüktelıp, student 1 apta kölemınde qaita köre alady;
*Mūǧalımmen tıkelei chatqa şyǧu mümkındıgı bar;
*Jurnalǧa baǧa qoiylyp, sabaq kestesın elektrondyq jüiede köre alady, sonymen qatar studenttı ata-anasy baqylai aluy üşın sabaq ülgerımın, qatysuyn alǧan baǧasyn tolyq baqylauǧa mümkındık bar.
Kompaniianyŋ sifrlyq sauattylyqty arttyru maqsatynda ötkızgen şaralary
Abzal mamandyǧy boiynşa zaŋ qyzmetkerı. Zaŋger aqparattyq salada qalai jür deuıŋızmümkın. “Bala kezımnen tehnologiiaǧa, kompiuterge qyzyǧatynmyn. Uaqyt öte kele üzeŋgılesterım jan-jaqty täjıribemdı, qabıletterımdı eskere otyryp, osy qyzmettı ūsynǧan bolatyn. Kompaniianyŋ basqaru, analitikalyq jūmystary tolyqtai menıŋ moinymda. Al portaldyŋ tehnikalyq bölıgıne direktordyŋ orynbasary Abylai Sūltanbekjauapty” deidı Abzal.
Är portal boiynşa aqparattyq ortalyqtarda azamattarǧa tegın konsultasiia jürgızıledı. Portaldaǧy elektrondy qyzmetter üşın koll-sentr qyzmetı de ıske qosylǧan.
Kompaniia qyzmetkerlerınıŋ yntymaqtastyǧymen, jaŋaşyl dizainymen erekşelenedı. Bastysy öz salasynda bäsekege qabılettı ärı sifrlandyruǧa sübelı üles qosypkele jatqan bırden-bır ortalyq.
Aiaulym ÄBDILDA, «Adyrna» ūlttyq portaly
