Qazaqstan Mūsylmandary dıni basqarmasynyŋ töraǧasy, Bas müfti Nauryzbai qajy Taǧanūly Qūrban ait qarsaŋynda halyqqa ündeu jasady. Būl turaly "Adyrna" QazAqparatqa sılteme jasap habarlaidy.
«Bügın künderdıŋ Sūltany – qasitettı Jūmada, ailardyŋ ūlyǧy – Zūlhidja aiynda halqymyzdyŋ amandyǧy men elımızdıŋ igılıgı üşın jasap jatqan dūǧa-tılekterıŋız qabyl bolǧai! Ardaqty Paiǧambarymyz Mūhammed (oǧan Allanyŋ salauaty men sälemı bolsyn) «Alla Taǧalanyŋ qūzyrynda osy künde jasalǧan ızgı amaldan abzal ärı süikımdı igı ıs joq» degen.
Osy künderı Oraza ūstap, sadaqa berıp, nauqastarǧa därı jetkızıp, qarausyz qalǧan qarttar men jetımderge, köpbalaly otbasylarǧa kömektesudıŋ sauaby mol. Şalǧan qūrbandyq, bergen sadaqa, jasaǧan ärbır igı amaldardyŋ sauabyn Alla Taǧala barşamyzǧa näsıp etkei», - dedı Bas müfti Ortalyq kommunikasiialar qyzmetınde.Bas müfti qasitettı künder men ailarda adam balasynyŋ riiasyz jasaǧan qūlşylyǧy men dūǧasy qabyl bolatynyn jetkızdı. «Allanyŋ Äs-Salam – iaǧni amandyq pen Äş-Şafi – şipa beruşı körkem esımderın ūlyqtai otyryp, dertke şaldyqqandardyŋ dertıne şipa sūraimyz. Qaitys bolǧandar üşın Alladan rahym, paiǧambardan şapaǧat sūraimyz. Bız – ötkenge salauat aityp, Allanyŋ arailap atqan ärbır taŋynan jaqsylyq kütken halyqpyz. Ruhymyzdy tüsırmei, syn saǧatynda saǧymyzdy syndyryp almaiyq. Qadırlı jamaǧat! Bız qazır syndarly sätte otyrmyz. Mūndaida halyq danalyǧy «Betege ketse bel qalar, bekter ketse el qalar, berekeŋ ketse ne qalar?» demei me? Ardaqty Paiǧambarymyz aitqandai, jaqsy söilep, ainaladaǧy adamdarǧa şuaq şaşyp, üreige emes ümıtke qanat bıtıreiık. Aldymyzda küllı isı mūsylman balasy asyǧa kütken ūlyq meiram – Qūrban Ait kele jatyr. Ait qarsaŋynda barşaŋyzǧa Allanyŋ amandyǧy men jaqsylyǧyn tıleimın», - dedı Nauryzbai qajy Taǧanūly.
"Adyrna" ūlttyq portaly
