«Aq jol» demokratiialyq partiiasynyŋ deputattary densaulyq saqtau ministrlıgınen "SK-Farmasiianyŋ" jeke därıhanalarmen jūmys ısteuın jäne öŋırler men şaǧyn qalalardy därı-därmektermen jabdyqtauyn ūiymdastyrudy mındetteudı talap ettı. Būl turaly "Adyrna" ūlttyq portaly "Aq jol" Demokratiialyq partiiasynyŋ baspasöz qyzmetıne sılteme jasap habarlaidy.
«Aq jol» Demokratiialyq partiiasynyŋ deputattary densaulyq saqtau ministrlıgınen «SK-Farmasiia» jauapkerşılıgı şekteulı serıktestıgınıŋ jeke därıhanalarmen jūmys ısteuın jäne öŋırler men şaǧyn qalalarǧa därı-därmekterdı jabdyqtauyn ūiymdastyrudy mındetteudı talap ettı. Azat Peruaşev ministr Aleksei Soidyŋ atyna tiıstı hat joldady.
«Qoǧamda därıhanalarda kerektı därı-därmekterdıŋ jetıspeuşılıgıne bailanysty oryndy aşuly sözder aityluda. Memleket basşysynyŋ negızdı synynan keiın jäne «SK-Farmasiia» basşylyǧy auystyrylǧan soŋ osy baǧytta ahual bırtındep qalpyna kelude. Degenmen de öŋırlerde, äsırese jeke därıhanalar men auruhanalardy därı-därmektermen jabdyqtauda problemalar saqtaluda» delıngen hatta.«Aq jol» deputattarynyŋ öŋırlerge jūmys sapary barysynda tūrǧyndarmen, medisinalyq jäne farmokologiialyq mekemelerdıŋ qyzmetkerlerımen kezdesuler ötkızılude. Saparlar barysynda tūrǧyndar därıhanalardyŋ därı-därmektermen jabdyqtaluynyŋ naşarlyǧyn aituda. Därıhanalardyı kıre berısınde: «Parasetomol, aspirin, lidokain, sefazolin, askorbin qyşqyly (jäne t.b.) JOQ» degen jazular ılıngen.
«Jeke därıhanalardyŋ basşylary «SK-Farmasiia» tek qana memlekettık mekemelerdı jabdyqtaityny turaly mälımdemelerınen keiın, äsırese öte mūqtaj därı-därmekterdıŋ qoimalarda tolyp tūrǧany turaly habarlardy estıp, olardyŋ belgısız sebeptermen därıhanalarǧa tüspeitını jäne adamdarǧa, öŋırler men şaǧyn qalalarǧa jetpeitınıne aşuly. Därıhanalar sūranysty qanaǧattandyru üşın kerektı emdık därı-därmekterdı kez-kelgen jabdyqtauşydan satyp aluǧa daiyn ekenderın aitady» - deidı Azat Peruaşev özınıŋ hatynda.Sonymen bırge, «Aqjoldyqtar» auruhana pasientterı, onyŋ ışınde ökpenıŋ qabynuymen tüskender tegın medisinalyq kömek körsetu kölemı barlyq därılerdıŋ şyǧynyn jaba almaitynyna, olardyŋ därı-därmektıŋ jartysyn özderı satyp alatynyna şaǧymdanuda. Tabys deŋgeiınıŋ tömendeuımen jäne därı-därmekter baǧasynyŋ ösuıne bailanysty osy şyǧyndardy köptegen azamattardyŋ jabuǧa mümkındıkterı joq. Sonymen qatar, auyl tūrǧyndary qalalarǧa jäne audan ortalyqtaryna taǧaiyndalmaǧan därıler üşın keledı, al därıhanalar bolsa därıger reseptısız olarǧa satpaidy. Qalalyq auruhanalarda auyldyqtardy qabyldamaidy, tiısınşe därıgerlık emdeu jäne därı-därmekter taǧaiyndamaidy. Tūiyq şeŋber. Olar bızdıŋ azamattarymyz jäne olardyŋ ömırı men densaulyqtary Konstitusiiamen basty qūndylyqtar dep anyqtalǧan, olardyŋ densaulyqtaryn qorǧauǧa memlekettık organdar jauap beruı tiıs. Osyǧan bailanysty, «Aq jol» fraksiiasynyŋ deputattary: 1) «SK-Farmasiia» JŞS-ın memlekettık mekemelerden tys jeke därıhanalar men auruhanalardy (aqyly negızde) olardyŋ sūranystaryna qarai därı-därmektermen jabdyqtaudy mındetteudı; 2) COVID-19 jäne ökpe qabynuyn emdeu şyǧyndaryn mındettı äleumettık jäne medisinalyq saqtandyru Qory esebınen tolyq jabu arqyly GOBMP keŋeitu turaly mäselenı qarastyrudy; 3) Jergılıktı densaulyq saqtau basqarmalaryna auyldyq jerlerdegı eldı-mekenderde nemese oblystyq jäne audandyq ortalyqtarynda ırı därıhanalar qasynda (auyl tūrǧyndaryn habarlaumen) şaǧyn terapevtık beketterdı ūiymdastyrudy nemese qala auruhanalarynda em taǧaiyndau men kerektı därı-därmekterge resept alu üşın auyl adamdaryn qabyldauǧa rūqsat etudı sūraidy.
"Adyrna" ūlttyq portaly
Ūqsas jaŋalyqtar
