Üş jyldan berı jabyq tūrǧan kesene kümbezın jaŋartu jūmystary aiaqtaldy. Kümbezdıŋ tarihi kelbetı saqtalyp, jeldetkış qabattary retke keltırıldı. Qazır kümbez etegındegı segız qyrmen qosylǧan jerınde gidrooqşaulau jūmystary aiaqtaluǧa jaqyn ekendıgın “Adyrna” Türkıstan oblysy öŋırlık kommunikasiia qyzmetıne sılteme jasap habarlaidy.
Kümbezdı qaita qalpyna keltıru jūmystary oblys äkımı Ö.Şökeevtıŋ jıtı qadaǧalauymen Mädeniet jäne sport ministrlıgımen bırlese jürgızılude.
«Äzıret Sūltan» memlekettık tarihi-mädeni qoryq-muzeiı aumaǧyndaǧy tarihi oryndarda qaita qalpyna keltıru jūmystary, ortaǧasyrlyq Kültöbe qalaşyǧy, Han ordasy men meşıtı ornalasqan magistraldy köşe boiynda arheologiialyq qazba jūmystary qarqyndy jürıp jatyr.
Al Kültöbe qalaşyǧyndaǧy qazba jūmystarynyŋ nätijesı boiynşa 2019 jyly 5000-nan asa bızdıŋ eramyzǧa deiıngı 1 ǧasyrda jasalǧan ejelgı altyn būiymdar tabylǧan.
Būdan bölek, Qoja Ahmet Iаsaui kesenesınıŋ aldynda turister demalatyn, qalyŋ bau-baqşaly selfi-aimaq jasaqtalady. Tarihi nysannyŋ «Taqiia qaqpasy» maŋynda qazba jūmystary jürgızılıp, tabylǧan jädıgerler turister köz quanyşyna ainalmaq.
Sondai-aq, B.Sattarhanov daŋǧyly aumaǧynda etnoauyl salynuda.
Atap öteiık, Qoja Ahmet Iаsaui kesenesınde atqarylǧan jūmystardyŋ barlyǧy IýNESKO-men kelıse otyryp jürgızılude. Kesenedegı qaita qalpyna keltıru jūmystarymen Qazaqstan Respublikasy Mädeniet jäne sport ministrlıgı Mädeniet jäne öner ısterı departamentınıŋ direktory Kümıs Seiıtova da kelıp tanysty.
“Adyrna” ūlttyq portaly
