«Menı sailaǧan sender emes!» degen deputat Bojko "qūdaiyn ūmytqan ba" ?

6282
Adyrna.kz Telegram
https://adyrna.kz/content/uploads/2020/07/75265af9525354e78-960x500.jpg?token=64aee07dcfa303ad9b76a12fc3c8f28f
Äleumettık jelı degen qyzyq qoi, jalpy. Aqparattyŋ, aiǧai-şudyŋ qainaǧan ortasy. Sol äleumettık jelıde bızdıŋ şendı-şekpendılerdıŋ de bırazy "otyrady". Rasymen özderı otyr ma, joq äldekımdı «otyrǧyzǧan ba», ony bılu qiyndau. Desek te, kımnıŋ kım ekenın jazbasynan tanytatyn osy äleumettık jelıde deputat Vladimir BOJKO öte belsendı «otyrady». Ärbır pıkırge jauap berıp, esesın eşkımge jıbermeuge jantalasyp ta otyratynyn anyq baiqauǧa bolady. Mıne, osy deputatyŋyz taiauda feisbuk jelısınde qoǧam belsendılerımen qyzu aitysty. Aitysqanda da, Bojko tıptı, aşyna aitysty. «Kanikulda ne bıtırıp jatsyŋdar?» degen qoǧam belsendısı Bahytjan TÖREǦOJİNANYŊ sūraǧyna būrqyrai jönelgen Bojko: «Senderge esep beruge mındettı emespın! Menı sailaǧan sender emes!» dep saldy. Mūny az körseŋız, Vakeŋ: «Sız qūrmettım bır närsenı şatastyryp otyrǧan siiaqtysyz. Maǧan dauys bergen joqsyz, sailauşym emessız. Jūmys beruşım de sız emes» dep şort kesıptı. Bojkonyŋ būlai kürkıreuı kımnıŋ arqasynda?Deputat halyq qalaulysy dep jalaulatamyz. Qalap alǧan deputatymyzdyŋ siqy osy ma? Myna bır jazbasyna nazar audaryp körıŋız. Bojko synaǧyş azamattar turaly jazady da, onyŋ sol  postyna Sake Azamat degen kısı bar bolǧany «Dardai şeneunıksız. Nege sonşa qate, qisynsyz jazasyz? Bälkım, sızge sauatty jazatyn kömekşı alǧan jön bolar» degen syŋaida pıkır qaldyrady.  Būl pıkırge Bojkoŋyz atylyp şyǧyp «sızderge eşteŋe jaqpaidy. Reseilıkterdıŋ qazaqstandyqtarǧa kömek bergenı de jaqpaidy. Sız siiaqtylarǧa Ukrainanyŋ qoqysqa tolǧan körınısı ūnaidy» dep bastap, ūzaqqa deiın toqtai almaidy. Reseilık, Resei turaly Azamattyŋ jazbasynan eşteŋe baiqamasaq ta, Bojkonyŋ mynau jazbasy onyŋ büiregınıŋ qaida būratynyn körsetpei me? Ukrainanyŋ būl jerde qatysy qanşa? Sözınıŋ soŋyn Vakeŋ «sız siiaqtylar el basqaruǧa kelse, eldı qūrdymǧa ketıredı» degen syŋaida qorytady. Au, sonda qalai? Eldı qūrdymǧa jıbermei otyrǧan Bojko ma, «bojko tektester» me? Öz ana tılımde qatesız jazamyn degen azamattyŋ sözı me, özı me Bojkonyŋ şamyna tigen? Älde tüpkı maqsaty bilık basyna qazaq tılınde sauatty jaza bıletınder jolamasyn degenı me?                     Būǧan deiın qyzmet etken  nän mekemelerde de Bojkonyŋ betınen qaitarar pärmen şyqpaǧan. Qazır de däl solai eken. Kanikulynda ne ısteidı, nemen ainalysady halyqtyŋ şaruasy bolmauǧa tiıs. Esesıne sol qara halyqtyŋ esebınen ai saiyn million teŋgege juyq jalaqy alyp jür. Sız ben bızdıŋ salyqqa tölegen aqşamyz bojkolardyŋ jalaqysyn qūraitynyn bılsek te, ärbır tiynǧa sūrau saluǧa haqymyz joq. Bojko ne aitqysy keledı, aita salady. Ne ıstegısı kelse de, odan esep sūrauǧa eşkımnıŋ qūqyǧy joq. Bıraq Bojkonyŋ jalaqysy tūtas saqtalyp, qajet bolsa, eselep öse beruı kerek.  Karantin dep üide qamalyp, jūmyssyz, aqşasyz, endıgı aşyǧa bastaǧan halyqpen Bojkonyŋ da ısı joq, halyqtyŋ da Bojkoda şaruasy bolmauy kerek. Bojko tek şeneunık kreslosyn adaspai, däl tauyp baryp, jaiǧassa kuanyp, şükır aityp otyra beruımız kerek-au? Därı tappai sandalsaq ta, körşınıŋ suyna tūnşyǧyp jatsaq ta, aurudan är būryşta ölıp jatsaq ta, bojkolarǧa ün qatuǧa haqymyz joq eken. Olai bolsa, bızge mūndai deputattar ne üşın qajet? Aiyna milliondap jalaqysyn tölep, kresloǧa qonjityp otyrǧyzyp qoiu üşın be? Halyqpen ısı joq, halqyna esep bermeitın deputattar sonda kımge kerek?

Meruert HUSAİNOVA,

"Adyrna" ūlttyq portaly

Pıkırler