Adyrna küntızbesı: Bügın QR halyq ärtısı Älıbek Mūsaūly Dınışevtıŋ düniege kelgen künı

Anasy Kämila – KSRO halyq ärtısı Rişat pen QazKSR halyq ärtısı Müsılım Abdullinderdıŋ tuǧan qaryndasy. Olar Mükım Abdullinderdıŋ ūrpaqtary. Qūrmanǧazy atyndaǧy Almaty memlekettık konservatoriiasynyŋ vokal fakultetın bıtırgen. (N.Şärıpovanyŋ klasy). Älıbek qazaqtyŋ opera jäne kameralyq änşısı (tenor), KSRO jäne Qazaqstannyŋ halyq ärtısı, Mihail Glinka atyndaǧy bükılodaqtyq vokalister baiqauynyŋ laureaty, Halyqaralyq konkurstardyŋ laureaty. Svikkauda (1977 j., 2-şı syilyq)  jäne Rio-de-Janeiroda (1979 j.) Robert Şuman atyndaǧy syilyqtyŋ jäne Qazaqstan Respublikasy Tūŋǧyş Prezidentınıŋ Beibıtşılık pen progress üşın Memlekettık syilyǧynyŋ laureaty. Eŋbek joly: Jambyl atyndaǧy Qazaq memlekettık filarmoniiasynyŋ solistı; Abai atyndaǧy Qazaq memlekettık akademiialyq opera jäne balet teatrynyŋ opera solistı (1978 jyldan); Älıbek Dınışev teatrynyŋ negızın qalauşy jäne direktory (1998 jyldan bastap); «Rannila-Qazaqstan» AQ Basqarma töraǧasy (2006 j. säuır aiynan bastap). Änşınıŋ repertuarynda qazaq, orys, batys europalyq operalar men romanstardyŋ bölıkterı bar. Akademiialyq muzykamen qatar Dınışev qazaqtyŋ halyq änderın jäne keŋes kompozitorlarynyŋ änderın oryndaidy. «Parasat» ordenımen, medalmen marapattalǧan.