Baýyrjan Momyshuly - aty ańyzǵa aınalǵan bahadúr batyr, ult maqtanyshy. Ol kisiniń ár aıtqan sózi - jaqut. «Adyrna» ulttyq portaly atamyzdyń urpaǵyna qaldyrǵan naqyl sózderin nazarlaryńyzǵa usynady.
- Erlik - elikteý emes. Eseppen erlik jasalmaıdy. Onyń daıyn reebi joq.
- Árkimniń ózine-ózi uqsaǵany jaqsy. Bireýdiń boıyndaǵy tabıǵı bolmysyna uqsaımyn deseń, ol betperde sııaqty jansyz qalqa bolady.
- Myqty bolsań, myqtylyǵyńdy áıeline baryp dálelde! Balalaryńnyń anasyn baqytty etip ót. Jaryńnyń saǵan rıza bolyp ótkeni-uly madaq.
- Kemshiliksiz adam bolmaıdy. Bilmegendikten, tájirıbıesizdikten qatelesýler bolady. Kinásin moıyndaý árkimniń qolynan kele bermeıdi. Al jón sózge túsine jyǵylyp, kinásin moıyndap, qatesin túzeı bilý - aqyldylyqtyń, qaırattylyqtyń belgisi.
- Mańdaıy jipsip eńbek etpegen, nannyń shynaıy dámin bilmeıdi.
- Óz ana tilinde tili shyqpaǵan balanyń sory qaınaıdy. Keıbireýler qazaqtyń balasynyń qazaqsha sóılegenin tańsyq kórgende namystanyp jaryla jazdaısyń. Ózge tildi bilý - artyqshylyq, ana tildi bilý - mindetiń.
- Júıkeń áli talaı qajet bolady. Bolmashyǵa tozdyrma. Sheshýshi sátterge bapta.
- Shyndyq úshin azap tartqan da - abyroı.
- Egin bar jerde torǵaı bar. Jaryq bolmasa, kóleńke de bolmas edi.
- Syryńdy eshkimge aldyrtpa! Eki eli aýyzyńa syımaǵan sóz ózgeniń otyz eki tisiniń arasyna tipten syımaıdy
Dıana ASANOVA,
«Adyrna» ulttyq portaly
