Densaulyq saqtau ministrlıgınıŋ resmi ökılı Baǧdat Qojahmetov Facebook paraqşasynda Covid-19 infeksiiasynyŋ jaŋartylǧan statistikasyn jariialady. Pnevmaniia men koronavirusty bırıktırgendegı alǧaşqy nätijede 6407 adamnyŋ auyrǧany belgılı boldy.
"COVID–19 jäne pnevmoniiaǧa şaldyqqan nauqastar turaly mälımet barynşa aşyq bolu üşın Qazaqstan Respublikasy Densaulyq saqtau ministrlıgı 18 şıldeden bastap statistikalyq derekterdı esepke alu men qalyptastyrudyŋ jaŋa täsılderın anyqtady.
DDSŪ-nyŋ Europalyq aimaqtyq Biurosymen bırqatar tehnikalyq konsultasiia jürgızılgennnen keiın, COVID-19 aurulardyŋ halyqaralyq jıktemesınıŋ jaŋa kody boiynşa kodtau jäne esepke alu turaly şeşım qabyldandy.
2020 jyldyŋ 1 tamyzynan bastap zerthanada anyqtalǧan COVID-19 ben PTR-test nätijesı taza, bıraq koronavirus infeksiiasynyŋ klinikalyq jäne epidemiologiialyq belgılerı bar pnevmoniia bırge esepke alynady.
KVİ jäne pnevmoniiany esepke aludyŋ jaŋa täsılı dūrys boljam jasauǧa, qajettı resurstardy: medisinalyq kadr, tösek-oryn, medisinalyq jabdyq, därılık zattardy josparlauǧa, sondai-aq statistikanyŋ aşyq boluyna mümkındık beredı. Būl memleketımızdıŋ pandemiiaǧa bırge küresuge jäne onyŋ saldaryn halyqaralyq qauymdastyqpen tyǧyz bailanysta zertteuge daiyn ekenın körsetedı.
Densaulyq saqtau ministrlıgı koronavirus infeksiiasy boiynşa statistikany dūrys qalyptastyru üşın Kodtau algoritmı men derekterdı aqparattyq jüielerge engızudıŋ nūsqaulyǧyn äzırledı, medisina qyzmetkerlerın COVID-19 kodtaryn AHJ-10 jıktemesı boiynşa äzırleuge oqytty.
Osylaişa, 2020 jyldyŋ 1 tamyzyndaǧy jaǧdai boiynşa, 1 226 adamnan COVID-19 anyqtalyp, soŋǧy täulıkte 36 adam qaitys boldy. 5 181 nauqas zerthanada anyqtalmaǧan, bıraq koronavirus infeksiiasynyŋ klinikalyq jäne epidemiologiialyq belgılerı bar pnevmoniiaǧa şaldyqqan. Ötken täulıkte osy diagnozdan 30 pasient qaitys boldy", - delıngen habarlamada.
"Adyrna" ūlttyq portaly
