Qazaqstanda koronavirus infeksiiasy taralǧaly berı 8518 medisina qyzmetkerı osy ındettı jūqtyrsa, 51 qyzmetker qaitys boldy.
Nauryz aiynda Aqparat jäne qoǧamdyq damu ministrı Däuren Abaev därıgerlerge memleket tarapynan jan-jaqty kömek körsetıletının aitty.
«Medisina qyzmetkerlerınıŋ densaulyǧy men ömırın saqtandyru mäselesı de pysyqtaldy. Olar auyryp qalǧan jaǧdaida 2 mln teŋge mölşerınde saqtandyru tölemı berıledı. Qūdai saqtasyn, eger olar qaitys bolǧan jaǧdaida 10 mln teŋge kölemınde tölemaqy berıledı», - dedı minstr.Arada 4 ai ötkende Memlekettık äleumettık saqtandyru qory ( MÄSQ) bır jolǧy tölem aluǧa 123 medisina qyzmetkerınıŋ ötınış bergenın, olardyŋ 113-ne bır jolǧy tölem tölengenın habarlady. Aita keter bır jait, auru jūqtyrǧan därıger koronavirusty nauqasty emdeu barysynda jūqtyrǧanyn däleldeu kerek. Ölımge äkelgen jaǧdaiy da solai däleldenu kerek. Sol sebeptı jergılıktı densaulyq saqtau basqarmalarynyŋ arnaiy komissiialary tölemaqy ötınışın qanaǧattandyruy da, qanaǧattandyrmauy da mümkın. Keibır därıgerler ötınış jazǧan adamdy tergep-tekseretının, aqşa bermeudıŋ amalyn jasaitynyn aitady. Künı keşe Ortalyq kommunikasiialar qyzmetınde ötken baspasöz konferensiiasynda Soi myrza osy tölemaqy jönınde mandytyp eşteŋe dei almady. Būl sūraqqa jalǧyz Soi emes, bırneşe şendınıŋ jauap bere almai qinalyp ketkenın bılemız. Memleket uäde etken närsenı tolyqtai beruge mındettı emes pe? Endeşe ony nege saǧyzşa sozyp jür? Qaitys bolǧandarǧa ötemaqy sol küiı berılmei kete me? Joǧaryda atalǧan 8515 qyzmetkerdıŋ 113-ı ǧana qyzmet barysynda koronavirus jūqtyrǧan ba? Sonda 8402 därıger virusty qalai jūqtyrǧan?... Kökeide osy sekıldı san saualdar tūr. Äzırge oǧan jauap berer adam tabylmai tūr. Al qaitys bolǧan därıgerlerge marapattar ǧana tabystalyp jür. Äzırge Şymkent äkımı Mūrat Äitenov öz oblysynda qaitys bolǧan därıgerlerdıŋ otbasyna 1 mln teŋgeden kömek berdı. Äkımnıŋ sözınşe, būl qarajat memleket tarapynan berıletın 10 mln ötemaqydan tys jasalyp jatqan kömek. El arasynda jergılıktı auruhana basşylary berıluı tiıs 2 mln teŋgenıŋ bıraz bölıgın öz qaltasyna salyp aluy mümkın ekenın aituda. Tölenetın tölemaqy üşın därıgerler basşylyqtyŋ qysymyna ūşyramau kerek. Sol sebeptı, tölemaqy men ötemaqy alatyn därıgerlerdıŋ aty-jönı baspasöz betınde jariialanuy tiıs dep esepteimız. Jemqorlyqtyŋ aldyn aluǧa būdan özge jol joq.
Janbolat Saryqasqa
