Aqordanyŋ aldynda miting ötude

Qazaqstanda tırkelmegen Demokratiialyq partiianyŋ jetekşısı Janbolat Mamai jäne jaqtastary Aqordanyŋ aldynda jinaldy, dep habarlaidy Sputnik Qazaqstan . Būǧan deiın Mamai 4 tamyzda Aqordaǧa baryp, 100 myŋ adamnyŋ aryzyn tapsyratynyn habarlaǧan bolatyn. Barlyǧy kredittı keşırudı talap etıp otyr. Osyǧan orai, prezident Qasym-Jomart Toqaevtyŋ atyna arnaiy hat ta äzırlengen. "Qazaqstanda halyqtyŋ bır bölıgıne ǧana tölengen 42 500 teŋge mardymdy kömek dep aĭta almaĭmyz. Būl künkörıske jetpeĭtın, tabysynan aĭrylǧan elge qoldau bolatyn aqşa emes. Onyŋ üstıne, jūmyssyz qalyp, aĭlyǧynan qaǧylǧan halyqty qyspaqqa alyp otyrǧan basty äleumettık mäsele — nesielık boryş bolyp otyr. Bügıngı taŋda 5.3 million halyqtyŋ 4.4 trillion teŋgenı qūraĭtyn nesielık boryşy bar. Ony halyq qazır töleĭ almaĭ otyr", – delıngen hatta. Sondai-aq, hat ielerı nesielık amnistiia jariialauǧa aqşa joq degen syltauǧa senbeĭtınderın jetkızedı. "Sızdıŋ sözıŋızge sensek, Ūlttyq qorymyzda 90 milliard dollar qarajat bar. Odan bölek, täuelsızdık jyldarynda ofşorǧa 140 milliard dollar audarylǧan. Sol aqşany nege qaĭtarmasqa? Ūlttyq qordyŋ qarjysyn nege qoldanbasqa? Osy uaqytqa deĭın bankterıne kömek alyp kelgen oligarhtardy öz qarjysyn Qazaqstanǧa qaĭtaryp, qaryzyn töletuge nege mäjbürlemeske? Bız sızge hat jazuymyzdyŋ sebebı de osynda", – deidı olar. Bügın Janbolat Mamai bır top adamdarmen bırge Aqordaǧa hatty jäne aryzdardy tapsyru üşın jinalǧan. Onyŋ äleumettık jelıdegı paraqşasynda video jariialandy. "Bız 100 myŋǧa juyq halyqtyŋ nesielık amnistiia boiynşa aryzyn tapsyrǧaly otyrmyz. Sol üşın jinaldyq. Barlyǧymyzda medisinalyq betperde men qolǧap bar. Äleumettık araqaşyqtyqty saqtap, tärtıp būzyp tūrǧan joqpyz. Maqsatymyz – osy aryzdardy tapsyru. Bır aidai uaqyt beremız. Eger bızdıŋ talaptarymyz oryndalmaityn bolsa, onda mitingke şyǧuǧa mäjbür bolamyz", – deidı Mamai. Hat pen aryzdardy tapsyruǧa kelgender aldymen jolauşylar köpırı arqyly Aqordaǧa qarai ötpek bolǧan. Bıraq olardyŋ jolyn qūqyq qorǧauşylar bögedı. Odan keiın ministrlıkter üiınıŋ ekınşı arkasyna baryp edı, ol jaqtan da bır top saqşylarǧa tap boldy. Sodan soŋ prezident äkımşılıgınıŋ aryz-şaǧymdardy qarau bölımı basşysynyŋ orynbasary Daniiar Qadyrov şyqty. Ol barlyq aryzdy qabyldauǧa äzır ekenın jetkızdı. Prezident äkımşılıgınıŋ azamattardy qabyldau kabinetı ministrlıkter üiınde ornalasqan. Karantinge bailanysty oǧan adamdardyŋ şekteulı sanyn ǧana kırgızdı. Keiınnen Janbolat Mamai özınıŋ äleumettık jelıdegı paraqşasynda barlyq aryzdyŋ qabyldanǧanyn mälımdedı.