Qara bult torlaǵan ba myna eldi,
Qara indet jaılaǵanba baıtaq jerdi.
Tájtajal eldiń ishin oıran qylyp,
Qanashama ardaqtylar kózden ketti.
Tájtajal bet-júzge qaramady,
Emi de ázirge esh tabylmady.
Janaza sońǵy kezde jıi oqylyp
Ózi de az qazaǵymdy jaralady.
Bul derttiń de toqtaýy bolar áli,
Árbir úı qýanyshqa tolar áli.
Órshigen bul indetke em tabylyp,
Bul kúnde umytylyp qalar áli.
Desekte kóp azamat ketip jatyr,
Arasynda ardaqtylar jetip jatyr.
Ajaldyń artyp alǵan jeteginde
Pánıden baqılyqqa ótip jatyr.
Sondaı bir el tutqasy asyl aǵam,
Qazaqtyń qýanyshy altyn jaǵam,
Qazaqtyń maqtanyshy,batyrynan
Aıyrylyp qaldyq mine túsip saǵam.
Halyqtyń jaqsy kórgen jan balasy,
Bir japyraq, elden shyqqan ol darasy.
Qaıran Jákem ortamyzdan ketkenime?
Qaıǵyryp aza tutty el arasy.
Qazaqtyń maqtanyshy asqartaýym,
Ózińdi jaqsy kórdi barsha qaýym.
Sporttyń shyqtyń bıik eń shyńyna
Barme eken senen ózge basqataýym.
Kúresti tól kúresten bastaǵansyz,
Eńbeksiz birde tynysh jatpaǵansyz.
Elim dep árqashanda alda júrip
Bireýdi renjitip til qatpaǵansyz.
Beskúndik myna ómir ótkenime
Shynymen Jákeń bizden ketkenime.
Qazaqtyń asyl uly, batyryna
Sum ajal aıaqasty jetkenime.
Saharasy qazaqtyń jylap qaldy,
Qaıǵyryp taý men tastar bulaq qaldy.
El ishi júrgen jerler qımaı tur ǵoı,
Artynda tamyr- tanys, urpaq qaldy.
Kún sanap Jákeńdi biz saǵynamyz.
Amal ne sabyrǵa hám baǵynamyz.
Anadan artyq týǵan jandy eske alyp
Quran baǵyshtap, allaǵa tabynamyz.
Hosh, Jákem qııa almaımyz biz ólimge,
Mol mura qaldyrdyńyz bul ómirde.
Bul ómirde qaldyrǵan nur beıneńiz,
Jannattyń shalqysynshy nur tórinde.
Aqyn Ordabaıuly
