Mındettı äleumettık medisinalyq saqtandyru qory (MÄMSQ) şyǧyny 75 mln teŋgenı qūraityn 11 myŋnan astam jalǧan qabyldau jasaǧan emhanalardy anyqtady. Būl turaly qordyŋ baspasöz qyzmetı habarlady. Ondaǧan myŋ adamnyŋ syrtynan emhana «qabyldau jasadyq» dep, jalǧan aqpar berıp, biudjet qarjysyn talan tarajǧa tüsırgen.
Emhanalar nege būl qadamǧa barǧan? Öitkenı osynşama adamǧa qyzmet körsettık dese, MÄMSQ-dan kepıldendırılgen qordan aqşa böledı. Mıne, osy sebeppen elımızdegı keibır emhanalar qordan «oŋai» aqşa jasap qaluǧa jantalasqan. Būl jaǧdai osy jyldyŋ soŋǧy alty aiynda oryn alǧan.
Özderınde tırkelgen azamattardy «tegın emdeldı» dep syrtynan onlain oiyn jüzege asyrǧan emhanalar MÄMSQ-ǧa «qatyryp jatyrmyz» dep esep berıp otyrǧan. Qordyŋ baspasöz qyzmetınıŋ habarlauynşa, zaŋ būzuşylyqqa jol bergen medisinalyq mekemelerge aiyppūl salynady.
Aiyppūl kölemı medisinalyq qyzmet körsetu qūnynyŋ 300 paiyzyn qūraidy. Sonymen qatar qor ökılderı azamattarǧa özderıne qandai medisinalyq qyzmet körsetılgenı jönınde arnaiy aqparattyq jüiede tekserıp otyra alatyndaryn da jetkızdı.
Körsetılmegen medisinalyq qyzmet turaly aqparatty 1406 telefon nömırıne nemese Qoldau 24/7/ mobildı qosymşasy arqyly habarlauyŋyzǧa bolady.
«Adyrna» ūlttyq portaly.
