Biz jańa qyrǵı-qabaq soǵysqa qarsymyz - QHR SIM

5537
Adyrna.kz Telegram

Foto: coinnewsextra.com

Qytaı AQSh "qyrǵı-qabaq soǵys" ıdeıasynan bas tartady degen úmitte ekenin aıtty, - dep habarlaıdy Xinhua agenttigine silteme jasaǵan Tengrinews.kz.

Xinhua aqparat agentigine bergen suqbatynda Qytaıdyń syrtqy ister mınıstri Van I álem ıdeologııalyq blokqa bóliný qaýpi aldynda turǵanyn aıtty.

"Bul - adamzattyń progresi men danalyǵyn eskermeý ǵana emes, ári tarıhtyń dóńgelegin keri burýdyń orynsyz áreketi", - deıdi ol.

QHR syrtqy ister mınıstri qazirgi tańda Qytaı men AQSh arasyndaǵy baılanys ýshyǵyp turǵanyn atap ótti.

Van I QHR burynǵy KSRO-nyń jolyn tańdamaıtynyn, ashyq baılanys ornatýdy qalaıtynyn jetkizdi. Onyń aıtýynsha, Qytaı álemniń damýyna jáne halyqaralyq tártipti saqtaýǵa óz úlesin qosady.

Beıjiń men Vashıngton arasyndaǵy baılanys sońǵy aılarda túrli sebeptermen ýshyǵa tústi. Qos memleket koronavırýs pandemııasy, az ult ókilderiniń quqyǵyn saqtaý, saýda-sattyq syndy kúrdeli máselelerde bir ustanymǵa kele almady.

Pikirler