Jaqynda oquşylar men studentterge arnalǧan arnaiy tariftık jospar ıske qosylady. Būl turaly Sifrlyq damu, innovasiialar jäne aeroǧaryş önerkäsıbı ministrlıgınıŋ bırınşı vise-ministrı Baǧdat Mussin habarlady.
- Osy tamyz aiynyŋ 20-nan keiın mūǧalımderge, oquşylar men studentterge arnalǧan «Bılım» arnaiy tariftık jospary qoljetımdı bolady. Būl mäselenı QR Bılım jäne ǧylym ministrlıgımen jäne bailanys operatorlarymen bırlesıp pysyqtadyq.
Osy oraida, qazaqstandyq bılım beru resurstaryna şekteusız qosyludy qamtamasyz etu maqsatynda yntymaqtastyq memorandumyna qol qoidyq.
«Bılım» arnaiy tarifınıŋ abonenttık tölemı aiyna 990 teŋge. Būl tariftık jospar qazaqstandyq beinekonferensiia bailanys jüielerın qosa alǧanda, BǦM maqūldaǧan 380 otandyq bılım beru resursyn şekteusız paidalanuǧa mümkındık beredı.
Sondai-aq, bailanys operatorlary qosymşa 1 GB internet trafigın ūsynady.
Sonymen qatar, tırkelgen bailanys operatorlarymen bırlesıp mektepterde internet jyldamdyǧyn 8 Mbit/sek deiın qosu/arttyru boiynşa taldau jūmystary jürgızıldı -, dedı vise-ministr.
«Adyrna» ūlttyq portaly
