2020 jyldyŋ qaŋtar-şılde aiynda Şymkent qalasy äkımdıgıne 8 711 aryz-şaǧym kelıp tüsken. Ötınışterdıŋ 950-nıŋ mäselesı qanaǧattandyrylyp, 8491-ne jazbaşa tüsındırme berıldı.
Onyŋ ışınde jer qatynastary – 3986, karantin kezınde qalada jürıp tūruǧa rūqsat alu – 839, energetika jäne kommunaldyq şaruaşylyq – 314, baspana mäselesı boiynşa – 302, äleumettık jäne jūmysqa ornalastyru – 300, jolauşylar kölıgı jäne avtomobil joldary – 198, qūrylys salasy boiynşa – 161, bılım salasy – 142, densaulyq saqtau – 135, ekınşı deŋgeidegı bankterden alǧan nesie somasyn öteu turaly – 78, basqa mäseleler –2 134.
Būl degenımız el Prezidentı Qasym-Jomart Toqaevtyŋ «Halyq ünıne qūlaq asatyn memleket» tūjyrymdamasy Şymkent qalasy äkımdıgınıŋ jūmysynda körınıs tauyp jatqanynyŋ belgısı. Sondai-aq, äkımdıktıŋ resmi saityndaǧy «Aşyq dialog», «Sūraq-jauap» blogtaryna 375 aryz-şaǧym tüsıp, oǧan 100 paiyz jauap berılgen.
Sonymen qatar, bilıktıŋ būqaraǧa barynşa jaqyn boluy maqsatynda qala äkımı Mūrat Äitenov karantin kezeŋıne deiın, iaǧni qaŋtar-nauryz aralyǧynda halyqpen 7 ret jüzdesıp, 186 tūrǧyndy qabyldady. Äkımnıŋ qabyldauyna kelgen 108 azamattyŋ mäselesıne tüsındırme jauaptar berılse, 75 azamattyŋ mäselelerı şeşım tapty. Al 2 azamattyŋ mäselesın şeşu ūzaq merzımdık baqylauǧa qoiyldy.
Aita ketu qajet, qalanyŋ jomart azamattarynyŋ arqasynda jeke qabyldauǧa qatysqan 16 azamatqa medisinalyq qūral jabdyqtardy (qol arba, ortopediialyq aiaq kiım, közıldırık), därı-därmek, ota jasatuǧa aqşalai kömek berıldı. Qūjattaryn räsımdei almai jürgen 15 azamattyŋ mäselesı şeşılıp, zaŋger kömegı berıldı.
Qala basşysy Mūrat Äitenov engızılgen karantindık şaralarǧa säikes azamattardy onlain bailanys arqyly qabyldap, tıkelei efirge şyǧu jolyn qolǧa aldy. Aptanyŋ är jūmasynda ötıp jatqan onlain qabyldauynda 26 azamattyŋ ötınışın tyŋdap, jauapty sala mamandaryna naqty tapsyrmalar jüktedı.
Sonymen qatar, qala äkımınıŋ orynbasarlary jyl basynan 266 azamatty qabyldap, ötınışter negızınde jūmystar atqardy.
Şymkent qalasy äkımınıŋ baspasöz qyzmetı
