Şymkent qalasynda «Şymkent – TMD elderınıŋ mädeni astanasy» jyly aiasynda «Menıŋ Qazaqstanym» estrada änşılerınıŋ onlain-festivalı ötude.
TMD memleketterınıŋ halyqaralyq gumanitarlyq yntymaqtastyq qorynyŋ jäne Qazaqstan Respublikasyndaǧy Rossotrudnichestvo ökıldıgınıŋ qoldauymen Şymkent qalasynyŋ äkımdıgınıŋ ūiymdastyrǧan festivalı - qazaq kompozitory, Qazaqstan Respublikasy Änūranynyŋ avtory Şämşı Qaldaiaqovtyŋ 90 jyldyǧyna arnalyp otyr.
Festivaldıŋ negızgı maqsaty - Dostastyq elderı arasynda mädeni-gumanitarlyq yntymaqtastyqty nyǧaitu, ruhani bailanystardy keŋeitu, sondai-aq qazaq halqynyŋ mädeni mūrasyn nasihattau bolyp tabylady.
1-15 tamyz aralyǧynda ötetın festivalge qazırgı taŋda Resei Federasiiasynyŋ Tatarstan, Başqūrtstan, Altai ölkesı jäne Sankt-Peterburg qalasynan, Belarus, Äzırbaijan, Armeniia, Türıkmenstan, Özbekstan, Täjıkstan, Qyrǧyzstan jäne Qazaqstannan 20-ǧa juyq ümıtker qatysuda. Sonymen qatar, TMD memleketterınen tys Amerika Qūrama Ştattary, Türkiia elderınen qatysuşylar da bar.
Festival qorytyndysy boiynşa televiziialyq nūsqada konserttık baǧdarlama daiyndalyp, telearnalardan berıledı. Üzdık qatysuşylar alǧys hattar tabystalady. Sonymen qatar, 2021-2022 jyldar aralyǧynda karantin rejimı aiaqtalǧannan Şymkent qalasynda ötetın halyqaralyq ıs-şaralarǧa şaqyrylatyn bolady.
Şymkent qalasy äkımınıŋ baspasöz qyzmetı
