Bügın Şymkent qalasynyŋ äkımı Mūrat Äitenovtıŋ qatysuymen qaladaǧy äleumettık saladaǧy qūrylys mäselesı jönınde jiyn öttı. Onda salaǧa jauaptylar qazırgı taŋǧa deiın atqarǧan jūmystary jaily qala äkımıne baiandady.
«Shymkent» ÄKK» AQ töraǧasy Bauyrjan Kankinnıŋ aituynşa, osy künge deiın josparlanǧan 66 jobanyŋ 32-sı jüzege asqan. Qalǧan 31 joba jasalu üstınde eken. Al 3 joba naqtylanyp jatyr. Onyŋ ışınde, üi qūrylysy – 9, bılım - 9, densaulyq saqtau – 6, sauda nüktelerı – 13, şaǧyn jäne orta bizneske qatysty – 6, öndırıs – 16, agro önerkäsıp keşenı boiynşa – 7 joba.
Qala basşysy atalǧandardyŋ ışınde eŋ bırınşı bılım jäne densaulyq saqtau salasyna negızgı basymdylyq berılu kerektıgın atap öttı. Sonymen qatar, jiyn barysynda investorlar tartu, şaǧyn jäne orta käsıpkerlıktı damytu mäselesın söz etken Mūrat Äitenov, «Shymkent» ÄKK» jūmysyna köŋılı tolmaitynyn jetkızdı.
«Käsıpkerler menımen kezdesu kezınde qaǧazbastylyq jūmystaryna narazylyqtaryn bıldıredı. Ondai jūmysty jeŋıldetu üşın bır tereze qaǧidaty boiynşa käsıpkerlerge qyzmet körsetetın arnaiy front-ofis aşqan bolatynbyz. Jergılıktı käsıpkerlerdıŋ sol jerde barlyq sūraǧy qanaǧattandyrylyp, käsıbın bastauǧa tolyǧymen kömek aluy qajet edı. Bügınde atalǧan mekeme jūmysynyŋ nätijesı körınbeidı» - dedı ol.
Sondai-aq, jiyn soŋynda qala äkımı investorlar esebınen paidalanuǧa berıletın tūrǧyn üi kölemın jylyna 1 mln şarşy metrge deiın ūlǧaitudy, tūrǧyn üi qūrylysyna kepıldık beru qorymen bırlesken baǧdarlama äzırleudı, «1000 sauda orny» jobasyn ıske asyrudy jedeldetudı tapsyrdy.
Şymkent qalasy äkımınıŋ baspasöz qyzmetı
