Elımızde köpbalaly otbasylarǧa äleumettık kömek o bastan körsetılıp kele jatyr. Jyldan-jylǧa äleumettık kömek retınde bölınetın qarajat ta artyp keledı. Köpbalaly analarǧabala düniege kelgende berıletın bırjolǧy jürgekpūldan bölek, är balaǧa ai saiyn järdemaqy tölenıp, barynşa qoldau körsetılıp jatyr. 2019 jyly köpbalaly otbasylardy qoldau maqsatynda 365 milliard qarjy tölenıp, prezident Qasym-Jomart Toqaev köpbalaly jäne tūrmystyq jaǧdaiy tömen otbasylardy qoldau jönındegı äleumettık şaralardy küşeitudı tapsyrǧan bolatyn.
Qazan aiynda ötken ükımet otyrysynyŋ bırınde eŋbek jäne halyqty äleumettık qorǧau ministrı Bırjan Nūrymbetov jaŋa jyldan bastap tabysy az jäne köpbalaly otbasylardyŋ 1 jastan 6 jasqa deiıngı balalaryna arnalǧan äleumettık paket jasalatynyn aitqan bolatyn.
Atalmyş äleumettık paketke ne kıredı?
Balalardyŋ tamaqtanuy, gigienalyq zattar, balalardyŋ oi qimyl düniesın damytatynqūraldar. Al 6 jastan 18 jas aralyǧyndaǧy balalarǧa mektep formasy men jolaqysy tölenıp, mektepte tegın tamaq berıledı. Odan bölek tabysy az otbasylardyŋ 18 jasqa deiıngıbalalaryna memleket kepıl bergen tegın medisinalyq kömek körsetıledı.Endı qalai bolmaq?
Eŋbek jäne halyqty qorǧau ministrı Bırjan Nūrymbetov 2020 jyldyŋ 1 qaŋtarynan bastap köpbalaly otbasylarǧa memlekettık järdemaqyny tabysyna qaramai ūsynǧan bolatyn. Bıraq būl järdemaqyny alu üşın köpbalaly otbasylardy atauly äleumettık kömek alatyndardyŋ qatarynan şyǧaru qajet eken. “Bız köpbalaly analardyŋ märtebechın köterıp, äl-auqatyn jaqsartudy közdep otyrmyz. Memlekettık järdemaqynyŋ jaŋa türı 42500 teŋgeden 73370 teŋgege deiın saralanǧan mölşerde taǧaiyndalady”,-degen edı ministr Nūrymbetov. Minstrdıŋ aituynşa Qazaqstanda 340 myŋnan astam köpbalaly otbasy bar. Al ol otbasylarda bır jarym millionǧa juyq bala tärbielenedı eken.Köpbalaly analarymyz ükımet bölgen qarjyny ielenıp, äleumettık kömektı körıp jatyr ma?
Gülmira JAQYP: köpbalaly ana: -Bızge memleket qoldau bıldırıp jatqanyna qatty quanyştymyn. Eger osy ükımet tarapynan körsetıletın kömek bolmasa balalaryma aqşany jetkıze almai qinalatyn edık. Bala qarap üide otyruyma bailanysty jūmyssyzbyn. Joldasymnyŋ tapqan tabysy jaldamaly päterde tūrǧandyqtan sony töleuge ketedı. Al ai saiyn tüsıp otyratyn kömektıŋ arqasynda tamaq pen därı-därmek alyp otyrmyz. Ärine, asyp-tasyp jatpasaq ta jan sauǧalap, kün köruge bolady. Alima TÖREBEKQYZY: köpbalaly ana: -Mynandai qiyn zamanda ömır süru tıpten qiyn. Joldasymnyŋ tapqany men ükımettıŋ ai saiynǧy kömegı ışıp-jemnen artylmaidy. Aldaǧy oqu jylynda balalarym üide otyryp oqityn boldy. 1 student pen 3 mektep oquşysyn tehnikamen qalai qamtimyn degen uaiym basym bolyp tūr. Būl joly da ükımet bır şeşımın tauyp, ol jaǧynan da kömek körsetetınıne senımdımın. Jyldan jylǧa körsetıletın qarjylai kömek qysqarmai kerısınşe üstıne qosylyp jatqany köŋılge quanyş syilaidy. Jaina AMANǦALİEVA: köpbalaly, jalǧyzbasty ana: Asyrauşymyzdan aiyrylyp, qazır 5 balamen jalǧyzbyn. Ükımet aqşalai kömek körsetedı. Balalardyŋ tamaǧyna jetedı. Keide erıktıler de kelıp azyq-tülık, balalarǧa oiynşyq, tättılerın äkelıp quantyp tūrady. Sirek, ara-arasynda auyldyŋ belsendılerı, ülken kısıler de qoldarynan kelgenşe kömekterın aiamaidy. Barlyǧyna alǧys bıldıremın. Memleket bızdı ūmytpady. Sızder bergen kömek pen qoldaularyŋyzdyŋ arqasynda balalarym bılım alyp, qatarynan qalmai keledı. Bolaşaqta elım deitın azamat bolyp ösetınıne senımdımın. Aqylgül TEMIRJANOVA: köpbalaly ana: -Balalaryma olai da, bylai da kömek körsetılıp jatyr. Memlekettıŋ qarjylai kömegınen basqa da äleumettık kömekter körsetılıp jatyr. Oqu jylynyŋ basynda balalaryma oqulyqtardy qalai alamyn dep uaiymdamaimyn. Är jyl basynda balalarymdy kıtappen bırınşı kezekte qamtamasyz etıp otyrady. Oqu künderı ülken üzılıste ystyq tamaq ışedı. Būlardyŋ özı ülken kömek. Osynyŋ aiasynda jūmys ıstep jatqan barlyq jandarǧa ülken raqmet!Laura TŪRSYNJAN,
“Adyrna” ūlttyq portaly
