Almaty oblysy, Aşysai auylynyŋ tūrǧyny Nūrlan Ahmetovtıŋ qazasy turaly aqparat 16 tamyzda äleumettık jelıde tarady. Işkı ıster ministrlıgınıŋ aituy boiynşa, käsıpkerdı 15 tamyz künı belgısız bıreuler öltırıp ketken. Denesınıŋ toǧyz jerınen pyşaq jaraqatyn alǧan Ahmetov auruhanada köz jūmdy. Qazırgı taŋda būl oqiǧaǧa bailanysty QR Qylmystyq kodeksınıŋ 99-babynyŋ 1-bölıgı (Adam öltıru) boiynşa sotqa deiıngı tergeu jūmystary bastaldy. Tūrǧyndar ölımdı 13 jyl būryn bolǧan qazaq-şeşen qaqtyǧysymen bailanystyryp otyr. Qazırgı taŋda şeşen ūltynyŋ üilerın arnauly polisiia küzetude.
Käsıpkerge būǧan deiın de bırneşe ret qastandyq jasalǧan
2007 jyldyŋ nauryzynda Almaty oblysynyŋ Bäidıbek bi jäne Qazatkom auyldarynda jergılıktı bırneşe qazaq jäne şeşen tūrǧyndarynyŋ arasynda qaqtyǧys boldy. Nūrlan Ahmetov ūltaralyq mäselenı şeşuge belsendı türde atsalysqan azamattardyŋ bırı edı. Būl oqiǧadan keiın azamattyŋ basyna qara būlt üiırılgen-dı.
Osydan ekı jyl būryn käsıpkerdıŋ kölıgıne jarylǧyş zat qoiylǧan. Qastandyq jasauşylar tuǧan ınısıne de oq jaudarǧan. Ahmetov 31-arnaǧa bergen sūhbatynda «Pistoletpen kelıp atyp jatyr, avtomatpen kelıp atyp jatyr. Jarylǧyş zat qoiyp jatyr. Endı bır künı tankımen kelıp taptap ketkenşe jatatyn şyǧarmyz osynda»,- dep öz janaiqaiyn bıldırgen edı. Ökınışke orai, besınşı märte jasalǧan qastandyq ölımmen aiaqtaldy. Ministrlık oryn alǧan qylmystyq ıstı 2 ai tergep, tiıstı adamdardy jazalaimyz dep uäde berdı. Alaida 13 jyl boiy qolǧa tüspegen qylmyskerlerdı 2 aida anyqtau mümkın be?! Būl joly poliseiler nätijelı jūmys atqaryp, nemqūrailyq tanytpaidy dep senemız.
Nūrlan Ahmetov qandai adam edı?
Nūrlan Ahmetov 1968 jyly Eŋbekşıqazaq audanyndaǧy Aşysai auylynda düniege kelgen. Ol - auyldyŋ syily azamaty, qysqa ǧūmyrynda bıraz igı ısterdı atqarǧan belsendı. Auyl tūrǧyndarynyŋ aituynşa, käsıpker ünemı özgelerge kömektesıp jüretın qoly aşyq, «qazaq» dep jinalǧan jerden qalmaityn ūltjandy azamat bolǧan. Soŋǧy ret, 10 tamyz künı Dulat Aǧadıldıŋ eske alu asyna niettengen bır top jastardy jinap, olardyŋ jol-aqysyn köterıp barǧan.
Belsendınıŋ artynda äielı men tört qyzy qaldy.
«Adyrna» ūlttyq portaly Nūrlan Ahmetovtyŋ tuǧan-tuystaryna qaiǧyra köŋıl aitady. Mäsele tez arada şeşımın tauyp, jazyqtylar jazasyn tartady dep senemız.
Diana ASAN, «Adyrna» ūlttyq portaly
