Bızdıŋ ūşaqtar qanaty jūlynsa da, ūşa beredı

Novosıbırdıŋ Tolmachev äuejaiynda bır qanaty jūlynyp ketken ūşaq tūr dep habarlaidy «Adyrna» ūlttyq portaly «Taiga.info» aqparat agenttıgıne sılteme jasap. Ūşaqtyŋ belınde Kazakhstan Air Force degen jazuy bar. Qazaqşaǧa audarsaq, būl jazu Qazaqstan äskeri äue küşterıne tiesılı ekenın aŋǧartady. Boeing 757−200 äue kemesınıŋ sol jaq qanaty jūlynyp ketken jäne būl ūşaq qaidan kelgenı de äzırge belgısız. Sonymen qatar ūşaqtyŋ qanaty neden jūlynǧany turaly da naqty aqparat joq. UP-B5701 nömırlı ūşaqty Flightradar24 bazasynda teksertu barysynda rasymen de būl äue kemesı Qazaqstanǧa tiesılı ekenı anyqtaldy. Qorǧanys ministrlıgı ūşaqqa qatysty aqparatqa qatysty tüsınık berıp, ūşaqty jöndneu jūmysy jürıp jatqanyn habarlady. "Qazaqstannyŋ äskeri-äue küşterınıŋ ūşaǧy Reseidıŋ Novosıbır qalasynda "OO S-7 İNJİNİRİNG"-te josparly tehnikalyq qyzmet körsetuden ötıp jatyr. Jöndeu jūmystary kezınde fiuzeliaj bölıkterı men agregattary alynǧan. Būl sensasiialyq jaǧdai emes," - delıngen habarlamada.