Keşe Almaty oblysynda Ädep jönındegı keŋestıŋ otyrysy öttı. Onda oblystyŋ bas memlekettık sanitar därıgerı Erǧali Sydymanovpen bolǧan jaǧdai talqylandy. Būl turaly Taldyqorǧan äkımınıŋ baspasöz hatşysy Nūr Qanatūlyny habarlady.
Ädep jönındegı keŋes Qazaqstannyŋ densaulyq saqtau ministrıne oblystyŋ sanitar därıgerıne qataŋ sögıs türındegı tärtıptık jaza qoldanudy ūsynǧan.
"Köp adam Erǧali Sydymanovty jūmystan şyǧaru kerek dese de, men mūny eŋ oŋtaily jäne ädıl şeşım dep sanaimyn. Bırınşıden, ol öz kınäsın tolyq moiyndap, qala men oblys tūrǧyndarynan keşırım sūrady. Ekınşıden, videoda balaǧat sözder nemese adamdardy qorlau bolǧan joq. Üşınşıden, ol densaulyq saqtau salasynda täjıribesı mol jäne eŋbek ötılı bar öz ısınıŋ mamany", - dep jazdy Instagram jelısındegı paraqşasynda.Eske sala ketsek, Erǧali Sydymanov Almaty oblysynyŋ käsıpkerlerıne dörekı sözder aitqany äleumettık jelıde tarap ketıp, ony ministr Aleksei Soi körıp, tūrǧyndarmen kelıse otyryp, mūndai äreket memlekettık qyzmetkerge sai emes dep esepteitının aitqan. Al 12 tamyzda ol öz kınäsın moiyndap, qazaqstandyqtardan keşırım sūrady.
"Adyrna" ūlttyq portaly
