"Andaı-myndaı" sózimen este qalǵan Erǵalı Sydymanovqa sógis jarııalanýy múmkin

2482
Adyrna.kz Telegram

Keshe Almaty oblysynda Ádep jónindegi keńestiń otyrysy ótti. Onda oblystyń bas memlekettik sanıtar dárigeri Erǵalı Sydymanovpen bolǵan jaǵdaı talqylandy. Bul týraly Taldyqorǵan ákiminiń baspasóz hatshysy Nur Qanatulyny habarlady. 

Ádep jónindegi keńes Qazaqstannyń densaýlyq saqtaý mınıstrine oblystyń sanıtar dárigerine qatań sógis túrindegi tártiptik jaza qoldanýdy usynǵan.

"Kóp adam Erǵalı Sydymanovty jumystan shyǵarý kerek dese de, men muny eń ońtaıly jáne ádil sheshim dep sanaımyn.

Birinshiden, ol óz kinásin tolyq moıyndap, qala men oblys turǵyndarynan keshirim surady. Ekinshiden, vıdeoda balaǵat sózder nemese adamdardy qorlaý bolǵan joq. Úshinshiden, ol densaýlyq saqtaý salasynda tájirıbesi mol jáne eńbek ótili bar óz isiniń mamany", - dep jazdy Instagram jelisindegi paraqshasynda.

Eske sala ketsek, Erǵalı Sydymanov Almaty oblysynyń kásipkerlerine dóreki sózder aıtqany áleýmettik jelide tarap ketip, ony mınıstr Alekseı oı kórip,  turǵyndarmen kelise otyryp, mundaı áreket memlekettik qyzmetkerge saı emes dep esepteıtinin aıtqan. Al 12 tamyzda ol óz kinásin moıyndap, qazaqstandyqtardan keshirim surady.

"Adyrna" ulttyq portaly

Pikirler