Jeke kuälıktı auystyru merzımın ötkızıp almaŋyz
Jeke basty kuälandyratyn qūjattar – jeke kuälık pen tölqūjat 10 jylǧa berıletındıkten, adamdar köbıne onyŋ merzımıne qaraudy ūmytyp ketedı. Tıptı merzımı ötıp ketken qūjatpen jüre beretın, keiın «ättegen-ai» dep san soǧyp qalatyn jaǧdailar da joq emes. Jäne mūndai beiqamdyqqa äkımşılık aiyppūl salynuy mümkın.
Aita ketu kerek, epidemiologiialyq jaǧdaiǧa bailanysty elımızdegı halyqqa qyzmet körsetu ortalyqtaryna baru üşın kezektı aldyn ala brondau tärtıbı engızıldı. Sondyqtan qūjat merzımın tekserıp, uaqyty taiasa, ony auystyru üşın aldyn ala qamdanyp, kezektı brondap qoiǧan jön. Memlekettık qyzmetterdıŋ denı elektrondyq portal arqyly ūsynylsa da, tek qaǧaz jüzınde berıletın qyzmetterge de sūranys joǧary, sondyqtan HQO-ǧa kezektı brondau qarqyny da ülken. Būl tūrǧyda eske salaiyq, HQO-ǧa kezektı brondau qyzmetı tegın jäne resmi türde egov.kz portaly, telegram-bot EgovKzBot2.0 qosymşasy jäne 1414 bailanys ortalyǧy arqyly ūsynylady.
Jeke basty kuälandyratyn qūjatty merzımı ötuıne, aty-jönın özgertuıne, qūjattyŋ zaqymdaluy men joǧaluyna bailanysty qaita alu üşın Qazaqstannyŋ kez-kelgen halyqqa qyzmet körsetu ortalyǧyna jügınuge bolady, būl oraida azamattyŋ qai jerde tūratyny jäne qai meken-jaida tırkelgenı maŋyzdy emes. Al jeke kuälıktı alǧaşqy ret alatyn azamattar, iaǧni 16 jasqa jaŋa tolyp jatqan tūlǧalar tırkelgen tūrǧylyqty jerı boiynşa HQO-ǧa baruy tiıs.
Biylǧy jyl basynan berı 161 727 almatylyq qūjattaryn räsımdeptı. Onyŋ ışınde jeke kuälıkter de, tölqūjattar da bar.
«Azamattarǧa arnalǧan ükımet» memlekettık korporasiiasy jeke kuälıkter men tölqūjattardyŋ merzımın jiı tekserıp, uaqyty taiasa, ony auystyru üşın HQO-ǧa kezektı aldyn ala brondap qoiu kerektıgın eskertedı.
«Azamattarǧa arnalǧan ükımet» MK
Almaty qalasy filialy,
Tel.: 87073240176
