Qazaqstan el Konstıtýııasynda ózin áleýmettik memleket dep atap kórsetti. Onyń máni – qoǵamnyń áleýmettik ómiriniń barlyq salalarynda azamattardyń qajettilikteri men múddeleriniń keshendi túrde qamtamasyz etilýi men qorǵalýynda. Bul shart erekshe qajettiligi bar adamdarǵa degen memleket qamqorlyǵynan da kórinis tabýy tıis.
QR Prezıdenti Qasym-Jomart Toqaev halyqqa arnaǵan Joldaýynda «memlekettiń erekshe qajettiligi bar adamdarǵa kópshilikpen birdeı jaǵdaı jasaýǵa mindetti» ekenin bóle-jara atap kórsetti.
Iaǵnı, qoǵamdyq ómirde de, kásibı qyzmette de, memlekettik qyzmetter alýda da múgedek jandar jaısyzdyq sezinbeýi, kedergilerge tap bolmaýy tıis.
Osy oraıda, «Azamattarǵa arnalǵan úkimet» memlekettik korporaııasy memlekettik qyzmetter kórsetýdi uıymdastyrýda múmkindigi shekteýli jandarǵa qoljetimdiligin kóterýge erekshe mán berip otyr.
«Barlyq front-ofısterge keletin múgedektigi bar jandar kólikterin qoıatyn avtoturaq, arbadaǵy múgedekter úshin pandýstar, shaqyrý núkteleri, kóterý lıfti, kózi nashar kóretinderge arnalǵan taktıldi joldar, Braıl mátinindegi aqparattyq taqtashalar ornatylǵan. Árbir front-ofıste múgedekterge qyzmet kórsetetin arnaıy terezeler jumys isteıdi. Qulaǵy nashar estıtin nemese sańyraý jandarǵa arnaıy kýrstardan ótken sýrdoaýdarmashy maman ymdaý-ıshara tilimen qyzmet kórsetedi», - deıdi fılıal dırektory Danııar Qyryqbaev.
Arbaǵa tańylǵan múgedek Alqanov Dáýren Asylbekuly Alataý aýdandyq front-ofıstiń turaqty qyzmet alýshysy. Ol munda kelgen saıyn kópshilikpen birdeı, esh kedergisiz qyzmet alatynyn aıtady.
Múgedekter úshin kóptegen qyzmetti on-laın rejımde alý qarastyrylǵan. Máselen, azamat múgedektik tobyn anyqtaý úshin komıssııadan ótkende, basqa esh jerge júginýdiń qajeti joq. Onyń qujattary on-laın rejımde memlekettik korporaııaǵa berilip, osynda barlyq járdemaqylar men tólemder túri belgilenip, onyń tólenýi uıymdastyrylady
Sondaı-aq, «Azamattarǵa arnalǵan úkimettiń» mamandary 1 jáne 2 toptaǵy múgedekterge, 70 jastan asqan qart adamdarǵa, UOS qatysýshylaryna jáne múmkindigi shekteýli balalardyń úıine baryp qyzmet kórsetedi.
«Jyl basynan beri bizdiń mamandar /1737 úı/ úılerge baryp 2 myńǵa jýyq qyzmet kórsetti. Eń kóp talap etiletin qyzmetter - pasporttar men jeke kýálikter berý. Múgedekterdi sýrdo-tıflotehnıkalyq jáne mindetti gıgıenalyq quraldarmen qamtamasyz etý, protezdik-ortopedııalyq kómek usyný úshin olarǵa qujattardy resimdeý jáne t. b. qyzmetter de suranysqa ıe", - deıdi dırektor.
«Azamattarǵa arnalǵan úkimet» memlekettik korporaııasynda ár túrli qyzmetterde 807, Almaty fılıalynda 67 múmkindigi shekteýli jan jumys isteıtinin aıta ketkenimiz jón.
«Azamattarǵa arnalǵan úkimet» MK
Almaty qalasy fılıaly,
Tel.: 87073240176
