Apatty mektepterdıŋ basym bölıgı qai aimaqta?

Elımızde jaŋa baǧdarlama aiasynda 800 mektep salu josparda bolǧanymen, apatty mektepter men üş auysymdy oqu mäselesı şeşılmei otyr dep habarlaidy «Adyrna» ūlttyq portaly BAQ.KZ.-ke sılteme jasap. Būl turaly bügın pedagogter men bılım jäne ǧylym salasy qyzmetkerlerınıŋ respublikalyq tamyz keŋesınıŋ onlain plenarlyq otyrysyna qatysqan Premer-ministrdıŋ orynbasary Eraly Toǧjanov mälım ettı.

Premer-ministrdıŋ aituynşa, apatty jäne üş auysymdy mektep mäselesı osydan üş jyl būryn şeşılu tiıs edı. Äkımdıkter aldynda osyndai mındet qoiylyp, tiıstı tapsyrmalar berılgen. Alaida, bügıngı künı eldegı 273 mektep problemalyq dep tanylǧan. Bılım beru ısınıŋ sapasy oquşylardyŋ qandai jaǧdaida bılım alyp jatqanyna bailanysty. Jaŋa mektepter salynǧanymen, apatty jaǧdaidaǧy bılım ordalary degen mäsele kün tärtıbınen tüspei otyr. Qazırgı künı osyndai mekteptıŋ 12-sı Batys Qazaqstan oblysynda ornalasqan. Türkıstan oblysynda jetı, Atyrau jäne Jambyl oblystarynda bes mektepten bar, - degen derek keltırdı Toǧjanov. Premer-ministrdıŋ orynbasary jergılıktı äkımdıkterge atalǧan mäselenı şeşudıŋ naqty şaralaryna kırısu mındetın jüktedı. Sondai-aq, apatty mektepter problemasy onyŋ tıkelei nazarynda bolatynyn aitty. foto aşyq derekközden alyndy.