Balalardy aman saqtamasaq, bızdı eşkım keşırmeidı

Onlain oqytuǧa ata-analar men ūstazdar tüsınıstıkpen qarau kerek. Būl turaly Premer ministrdıŋ orynbasary Eraly Toǧjanov pedagogtar men bılım jäne ǧylym salasy qyzmetkerlerınıŋ respublikalyq tamyz keŋesınıŋ onlain plenarlyq otyrysynda aitty dep habarlaidy «Adyrna» ūlttyq portaly BAQ.KZ saityna sılteme jasap.

Eraly Toǧjanovtyŋ aituynşa, balalardyŋ qauıpsızdıgı men densaulyǧy bırınşı orynda boluy tiıs. Balalardyŋ qauıpsızdıgın qamtamasyz ete almasaq bızdı eşkım keşırmeidı. Pandemiianyŋ qauıpı älı seiılgen joq. Sondyqtan şydamdylyq tanytyp, onlain oqytudy ıske asyruymyz tiıs. Bılım beru salasy onlain oqytuǧa daiyn bolmai şyqqanyn ötken oqu jylynyŋ soŋǧy toqsanynda kördık. Mūndai qyiyndyqty älemnıŋ köptegen elderı bastan ötkerdı. Sol kezde ketken kemşılıkterdı joiuǧa uaqyt boldy. Alaida künı keşe köptegen aimaqtar älı daiyn emes ekendıgı belgılı boldy, - deidı Eraly Toǧjanov. Sondai-aq, ol aimaq basşylary men tiıstı vedomstvolardy jedel şara qoldanuǧa şaqyrdy. Eraly Toǧjanovtyŋ aituynşa, kezekşı synyptar men mektepter sanitarlyq şaralardyŋ bärı saqtaluy tiıs, ony qadaǧalau mäselesıne erekşe nazar audaru qajet. foto aşyq derekközden alyndy.